Grunur um íkveikju í gömlu þvottahúsi á Ásbrú

Grunur leikur á að kveikt hafi verið í gömlu þvottahúsi á Ásbrú en eldur kom upp í húsinu í morgun.

Var allt tiltækt slökkvilið Brunavarna Suðurnesja og frá Isavia kallað út. Talsverður eldur var í byggingunni en vel gekk að slökkva eldinn að því er segir í tilkynningu frá lögreglustjóranum á Suðurnesjum.

Þar sem ekkert rafmagn er á byggingunni leikur grunur á að um íkveikju hafi verið að ræða. Þeir sem hafa upplýsingar um málið eru beðnir um að hafa samband við lögregluna á Suðurnesjum í síma 444-2200 eða með því að senda henni skilaboð á Facebook.

Eldur kom upp í gömlu þvottahúsi á Ásbrú í morgun. Allt tiltækt slökkvilið Brunavarna Suðurnesja og frá Isavia var kalla...

Posted by Lögreglustjórinn á Suðurnesjum on Tuesday, 12 April 2016