Blautir kossar helsta umræðuefnið eftir Samfés

Sleikur virðist helsta umræðuefni grunnskólanema sem sóttu SamFestinginn, unglingaskemmtun sem fram fór í Laugardalshöll fyrr í þessum mánuði. Opnuð hefur verið Facebook-síða þar sem til stóð að ræða keppnina en umræðan hefur hins vegar vijað hverfast nánast alfarið um blauta kossa eða sleik: Hver kyssti flesta ásamt því sem birtar eru myndir af kossaflensinu. Victor Berg Guðmundsson, framkvæmastjóri Samfés, hefur áhyggjur af því að einelti geti þrifist í slíkum hópum.

Varasamt fólk geti leynst inni í slíkum hópum

„Það þarf engan sérfræðing til að sjá hvað er að gerast á þessum síðum. Það má alveg segja að við teljum þessar grúppur mun varasamari, það er verið að birta ýmislegt á þessum grúppum, verið að búa til sögur um fólk og þar fram eftir götunum,“ segir hann.

Victor segist hafa mestar áhyggjur af því að inni á síðunni leynist fólk sem ekki eigi heima þar. „Það er mikið af fólki inni á svona lokuðum síðum og ekki mögulegt fyrir okkur né aðra að ritskoða það sem þar fer fram.“

Sérstaklega tekið á einelti í ár

Hann segir að í ár hafi verið tekið sérstaklega á einelti, ásamt því sem krakkarnir fengu jafningjafræðslu og frædd um svokallað „sexting“, sem er þegar einstaklingar senda eða fá sendar kynferðislegar myndir eða texta rafrænt. Aðspurður segist Victor ekki hafa fengið á borð til sín kvartanir vegna myndbirtinga, en á síðunni er að finna myndir af krökkum kyssast, sem virðast birtar í leyfisleysi. Hann segir hins vegar að í félagsmiðstöðvum hafi farið fram upplýst umræða um þessi mál.

Tæplega 3.200 manns eru meðlimir í hópnum, sem stofnaður var í aðdraganda SamFestingsins. Hér fyrir neðan eru nokkur dæmi um ummæli sem finna má á síðunni, en flest eru þau á eina leið; þau snúast um blauta kossa. Þá hefur jafnframt orðið nokkur umræða um kynlíf og umræðan oft nokkuð klámfengin.

„hey hver fórímig, hann var ljóshærður með hvíta derru

Vinkona mín fékk nokkrar sexý tungur uppí sig og langar virkilega að vita hverjir eru eigendur þessara tunga, ef að þú manst eftir að hafa stungið einu stykki tungu uppí hana máttu endilega commenta eða senda PM

Jæja strákar kannast eh við að stinga tungunni uppi þessa skvísku?

Þessi fór í 21 gellu og vill komast að því hvað þær heita

Þessi felli fór í 7 og vill finna þær.. Endilega cmt ef þið vitið hverjar hann fór í“