Ben Carson hættur

Forsetaframbjóðandinn og taugaskurðlæknirinn Ben Carson virðist hafa dregið sig úr forvali Repúblikanaflokksins. Hann segist ekki sjá neina leið fram á við eftir niðurstöður Ofurþriðjudagsins svokallaða. Hann mun ekki taka þátt í kappræðum Repúblikana í kvöld.

Þrátt fyrir það hefur hann ekki formlega dregið sig úr forvalinu og segist ætla að ræða málið frekar við stuðningsmenn sína á morgun. Í tilkynningu segir Carson að hann ætli sér að halda hreyfingu sinni gangandi til að hjálpa Bandaríkjunum.

Carson endaði í síðasta eða næst síðasta sæti í öllum fylkjunum sem kosið var í á þriðjudaginn. Hann hefur orðið sér út um einungis átta kjörmenn.