Níu slökkviliðsmenn særðust í gassprengingu í Seattle

Níu slökkviliðsmenn særðust þegar gassprenging varð í Greenwood hverfinu í Seattle fyrr í dag.

Í frétt CNN segir að bygging hafi gjöreyðilagst og nokkrar til viðbótar skemmst í sprengingunni. Slökkviliðsmennirnir særðust þegar þeir voru komnir á vettvang til að kanna gasleka sem tilkynnt hafði verið um. Enginn þeirra er talinn hafa særst alvarlega.

Fleiri tugir slökkviliðsmanna tóku þátt í slökkvistarfinu.

Þrjár verslanir - Neptune Coffee, Mr. Gyros og matvöruverslunin Quik Stop eyðilögðust í sprengingunni.

Some of the damage from the explosion. pic.twitter.com/BXmzDshnr7

— Seattle Fire Dept (@SeattleFire) March 9, 2016