Áætlaður kostnaður við að útrýma einbreiðum brúm á þjóðvegi 1 er 13,2 milljarðar króna, samkvæmt svari Ólafar Nordal innanríkisráðherra við fyrirspurn Vigdísar Hauksdóttur, um einbreiðar brýr.
Í svarinu kemur jafnframt að alls séu 39 einbreiðar brýr á hringveginum en þær eru aðeins í tveimur kjördæmum, það er í Suðurkjördæmi og Norðausturkjördæmi. Í Suðurkjördæmi eru þær 26 talsins en en í Norðausturkjördæmi eru þær 13 en meðalaldur brúanna er 50 ár.
Í fyrra spurði Haraldur Einarsson, flokksbróðir Vigdísar, innanríkisráðherra einnig út í einbreiðar brýr en fyrirspurnin sneri að brúm þar sem hámarkshraði er 90 kílómetrar á klukkustund.
Í svari ráðherra við fyrirspurninni kom fram að 694 einbreiðar brýr væru á þjóðvegum landsins og af þeim væru 197 á vegum þar sem hámarkshraðinn væri 90 kílómetrar.
Haraldur spurði líkt og Vigdís um hvernig skipting brúnna væri eftir kjördæmum en samkvæmt svarinu eru flest í Suðurkjördæmi, eða 73. Í Norðvesturkjördæmi voru þær 61, í Norðausturkjördæmi 57 og í Suðurvesturkjördæmi sex.
Áætlaður kostnaður við að tvöfalda allar 197 brýrnar var metinn 30 milljarðar króna þá.
Kostar rúma 13 milljarða að útrýma einbreiðum brúm á þjóðvegi 1
Tengdar fréttir
Vigdís vill vita hvað einbreiðu brýrnar á hringveginum eru margar
Í brúarsrká Vegagerðarinnar kemur fram að 41 einbreið brú sé á hringveginum sem samtals eru 3820 metrar að lengd.
Vill vita í hvaða kjördæmum einbreiðu brýrnar eru
Haraldur Einarsson, þingmaður Framsóknarflokksins, vill svör frá innanríkisráðherra um staðsetningar einbreiðra brúa á Íslandi.
30 milljarða þyrfti til að breikka einbreiðar brýr með 90 kílómetra hámarkshraða
Ólöf Nordal segir í svari til Haraldar Einarssonar að 197 einbreiðar brýr með 90 kílómetra hámarkshraða séu í landinu.
