Marsspá Siggu Kling – Naut: Ástríðan er þinn drifkraftur

Elsku hjartans nautið mitt. Ekki láta þér leiðast og mundu að áhyggjur og leiðindi verða að veikindum.

Þú þarft að segja já við lífinu og ekki láta fólk sem er að drepast úr eigingirni og frekju hafa áhrif á þig og draga þig niður. Það er nefnilega þannig að ef þú umgengst fimm manns sem eru grútleiðinlegir og fúlir þá verður þú að þeim sjötta!

Tímabilið sem þú ert að fara inn í núna mun færa þér ástarævintýri, langt ástarævintýri, elsku nautið mitt. Þú þarft að upplifa tilfinninguna og breiða faðminn út á móti henni. Ástin er fólgin í svo mörgu, ekki bara ástarsamböndum heldur líka fjölskyldunni, vinum, náttúrunni og ævintýrum.

Ef þú ert búið að vera að ganga í gegnum erfiðleika í ástinni þá mun það jafna sig. Það gæti jafnað sig með uppgjöri við ástina, eða nýrri manneskju sem mun breyta lífi þínu. Kannski er hún komin og er á sveimi í kringum þú en þú hefur bara ekki tekið almennilega eftir henni.

Það er allt eitthvað svo mikið fyrir framan þig núna, eins og hlaðborð af miklum kræsingum. Og mundu það að einfalt „halló“ getur leitt til óteljandi hluta.

Segðu já við því sem þig vantar því lífið er þetta hlaðborð og þú verður bara að vita hvaða rétt þig langar mest í.

Gamlar tilfinningar flækjast of mikið fyrir þér og þú verður að átta þig á því að það gamla er búið, það verður ekki aftur snúið!

Ef það hafa verið einhver veikindi í lífi þínu þá þarft þú að hugsa og spá aðeins í því hvað það er sem er búið að gera þér lífið leitt. Ef þú treystir á sjálfan þig þá getur þú komið þér út úr þessu.

Þú hefur svo elskulegt og ástríkt eðli. Alls ekki gleyma að beina því líka að sjálfu þér svo þú tæmist ekki alveg.

Þú hefur líka svo mikla hæfileika í því að líta lífið öðrum augum en flestir og núna er tíminn að skoða sig um og horfa í kringum sig, hvort sem þú ert í skóla eða vinnu, því ástríða er þinn drifkraftur og ef hún er ekki til staðar í því sem þú ert að gera þá dofnar neistinn þinn.

Love is all you need ætti að vera mottóið þitt næstu mánuðina.

Fræg naut: Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness, rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfit-meistari, Nanna Bryndís Hilmarsdóttir söngkona, Pétur Jóhann Sigfússon, Addi Exos dj. snillingur.