Erdogan hótar hefndum

Recep Tayyip Erdogan Tyrklandsforseti hótar hefndum vegna árásarinnar í Ankara, höfuðborgar Tyrklands í gær, þar sem tuttugu og átta biðu bana og yfir sextíu særðust. Hann segir koma til greina að svara í sömu mynt á hvaða tímapunkti sem er. Tyrkir muni verja hendur sínar.

Sprengingin varð skammt frá þinghúsinu og höfuðstöðvum hersins og var hún sprengd þegar lest herbíla var ekið fram hjá. Enginn hefur lýst árásinni á hendur sér en flest bendir til að hún sé á ábyrgð hryðjuverkasamtakanna ISIS eða Kúrda.

Yfirvöld í Tyrklandi segja að um hryðjuverk hafi verið að ræða.