Fisher rekinn frá Knicks

Bandarískir fjölmiðlar greina frá því í dag að NY Knicks sé búið að reka þjálfara liðsins, Derek Fisher.

Undir hans stjórn er liðið 23-31 á þessari leiktíð en þetta er annað tímabil liðsins undir hans stjórn.

Gengi liðsins upp á síðkastið hefur verið hörmulegt en liðið hefur tapað níu af síðustu tíu leikjum sínum. Þar af hafa síðustu fimm leikir tapast.

Það var forseti félagsins, Phil Jackson, sem réð Fisher til starfa á sínum tíma og átti hann að breyta öllu hjá félaginu. Sú áætlun gekk ekki upp.

Kurt Rambis verður bráðabrigðaþjálfari liðsins.