Nautabani ákærður fyrir að hafa tekið barn með í hringinn

Einn þekktasti nautabani Spánar, Francisco Rivera Ordonez, á yfir höfði sér ákæru eftir að hafa birt mynd af sér á netinu með kornungri dóttur sinni inni í nautaatshringnum. Hann hefur verið harðlega gagnrýndur víða, meðal annars af barnavelferðarsamtökum, og sagður sýna algjört ábyrgðarleysi.

Gagnrýnina lætur Ordonez lítið á sig fá og segir dóttur sína, sem er fimm mánaða, hvergi öruggari en í örmum hans. Þá hafa aðrir nautabanar sýnt honum samstöðu með því að birta myndir af sér með börnin í nautaatshringnum.

Yfirvöld í Andalúsíu segja þessa hegðun óforskammaða og hafa vísað málinu til saksóknara. „Við vonum að þessi hegðun verði ekki endurtekin og að samfélagsmiðlar sjái til þess að hegðunin sé ekki samþykkt,” segir í yfirlýsingu yfirvalda.

Con el permiso de mi compañera Elisabet Piñero va mi apoyo a @Paquirri74 con esta foto de hace 3 días con Rodrigo pic.twitter.com/erZVQBeoHB

— Andres Sanchez (@andressanchez93) January 26, 2016

Kollegar Ordonez ákváðu að sýna honum samstöðu með því að birta myndir af sér með börnunum í hringnum.