Björgólfur Thor vottar Lemmy virðingu sína í L.A.

Lemmy Kilmister, stofnandi hinnar goðsagnakenndu bresku rokksveitar Motorhead, lést undir lok síðasta árs, sjötugur að aldri.

Lemmy stríddi við heilsufarsvandamál síðustu misserin en í tilkynningu frá sveitinni segir að illvígt krabbamein hafi dregið hann til dauða sem uppgötvaðist ekki fyrr en á annan í jólum.

Aðdáendur sveitarinnar og Lemmy hópuðust saman í Los Angeles í gær til að votta rokkaranum virðingu sína en allir komu þeir saman við Rainbow sem var uppáhalds staðurinn hans Lemmy. Þetta kemur fram í frétt á síðu Vice og mátti sjá fjöldann allan af fólki þar saman komið. Þar á meðal var athafnamaðurinn Björgólfur Thor Björgólfsson sem lét af hendi fallegan blómvönd.

Hér má sjá fleiri myndir frá L.A.