Þrettándagleði Selfyssinga verður í kvöld

Þrettándagleðinni á Selfossi, sem var frestað á þrettándanum vegna veðurs, verður haldin í kvöld. Blysför leggur af stað frá Tryggvaskála klukkan 20 að brennustæði á tjaldstæði Gesthúsa þar sem kveikt verður í þrettándabálkesti.

Jólasveinarnir kveðja og álfar og tröll mæta á svæðið. Þá verður glæsileg flugeldasýning í umsjón ungmennafélags bæjarins með stuðningi Björgunarsveitar Árborgar. Bæjarbúar eru hvattir til að mæta í trölla-, álfa eða jólasveinabúningum.

Þar sem fjöldi ungra barna sækir þrettándagleðina hefur þeim tilmælum verið beint til fólks að vera ekki með flugelda nærri blysförinni eða við brennuna. Það er Umf. Selfoss og Sveitarfélagið Árborg sem standa að hátíðarhöldunum.