Sex mánaða nálgunarbann fyrir ítrekuð ofbeldis- og kynferðisbrot sunna karen sigurþórsdóttir skrifar 23. maí 2016 17:08 Manninum er gefið að sök að hafa beitt sambýliskonu sína margvíslegu ofbeldi árum saman. Þá er hann sagður hafa beitt börn sín líkamlegu ofbeldi. vísir/getty Hæstiréttur hefur staðfest úrskurð Héraðsdóms Reykjavíkur um nálgunarbann yfir karlmanni sem gert er að halda sig fjarri barnsmóður sinni í sex mánuði. Konan dvelur nú í Kvennaathvarfinu ásamt tveimur börnum sínum vegna ítrekaðra ofbeldisbrota af hálfu mannsins allt frá árinu 2007. Manninum er gefið að sök að hafa brotið gegn konunni kynferðislega, ráðist á hana með sérstaklega hættulegri aðferð, beitt hana ólögmætri nauðung og hótað henni ofbeldi, brotið gegn börnum hennar og ítrekað raskað friði hennar. Áhættumatsteymi lögreglustjórans kom saman vegna málsins í mars síðastliðnum eftir að konan óskaði eftir neyðarhnappi frá Securitas. Beiðni hennar var samþykkt, meðal annars með hliðsjón af því að hún glímir við fötlun sem gerir að verkum að hún gæti ekki kallað eftir aðstoð símleiðis, að því er segir í dómnum.Starfsmaður Kvennaathvarfsins óskaði eftir aðstoð Konan leitaði í Kvennaathvarfið í mars síðastliðnum og kvaðst hafa orðið fyrir ofbeldi af hálfu maka; andlegu, líkamlegu og kynferðislegu. Þá hafi maðurinn einnig beitt sex ára son þeirra líkamlegu ofbeldi. Starfsmaður Kvennaathvarfsins tilkynnti lögreglu um málið en konan hafði ekki viljað gefa skýrslu af ótta við sambýlismann sinn. Þá óttaðist hún jafnframt um öryggi barna sinna sem þá voru hjá föður sínum. Maðurinn neitaði að hafa beitt konuna ofbeldi en sagðist kannast við að hafa vísað henni á dyr. Konan gaf skýrslu hjá lögreglunni á höfuðborgarsvæðinu 21. mars. Þar kærði hún manninn fyrir ítrekuð ofbeldis- og kynferðisbrot allt aftur til ársins 2007 eða 2008. Nefndi hún meðal annars að sambýlismaður hennar hafi viljað fá tiltekinn mann til þess að koma og fullnægja henni kynferðislega. Hún hafi ávallt sagt nei. Einn daginn hafi hann hótað henni því að taka íbúðina af henni og henda henni út, hún hefði þá engan stað til þess að búa á. Hafi hún þá látið undan.Borgaði karlmanni fyrir kynmök með konu sinni Í dómnum segir að maðurinn hafi komið inn á heimilið og þau þrjú lagst upp í rúm. Þar hafi maðurinn reynt að fróa henni. Henni hafi liðið illa og á endanum gert sér upp fullnægingu til þess að losna undan þessu og grátið sig í svefn á eftir. Kvað hún sambýlismanns inn hafa greitt hinum karlmanninum tólf þúsund krónur fyrir. Þá segir konan jafnframt frá því að áður en börnin hafi fæðst hafi sambandið verið mjög stormasamt. Eitt skipti hafi maðurinn farið að slást við hana, það hafi liðið yfir hana og hún fallið á borð. Er hún hafi rankað við sér hafi hún séð að maðurinn var búinn að safna fötum hennar saman og kveikja í þeim. Hún segist ítrekað orðið fyrir ofbeldi af hálfu mannsins, sem og að hann hafi ítrekað unnið spellvirki á heimili þeirra. Maðurinn er jafnframt sakaður um ofbeldi gagnvart börnum þeirra, sem eru fjögurra og sex ára. Konan segir það meðal annars hafa gerst í desember 2014 og aftur í mars síðastliðnum. Framburður sonar þeirra í Barnahúsi 10. maí, sem og ljósmyndir og læknisvottorð, styðji að maðurinn hafi sparkað í barnið. Héraðsdómur úrskurðaði að maðurinn skyldi sæta nálgunarbanni í sex mánuði þannig að lagt verði bann við því að hann komi á eða í námunda við dvalarstað konunnar, Kvennaathvarfið, og lögheimili hennar á svæði sem afmarkast við 50 metra radíus. Þá er lagt bann við því að maðurinn veiti konunni eftirför, nálgist hana á almannafæri eða setji sig í samband við hana með öðrum hætti, þar á meðal tölvu- og símasamskiptum. Hæstiréttur staðfesti úrskurð héraðsdóms í dag. Mest lesið Svona var Pallborðið með Höllu Hrund, Katrínu og Baldri Innlent Ákærð fyrir að kæfa son sinn með kodda Innlent Kolbeinn hafi strokið kynfæri stúlkunnar ítrekað Innlent Svandís boðar til blaðamannafundar Innlent Baldur segir niðurstöður nýjustu kannana vonbrigði Innlent Halla Hrund mælist með mest fylgi í nýrri könnun Maskínu Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Spellvirkinn lætur til skarar skríða á ný Innlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent Fleiri fréttir Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Sjá meira
Hæstiréttur hefur staðfest úrskurð Héraðsdóms Reykjavíkur um nálgunarbann yfir karlmanni sem gert er að halda sig fjarri barnsmóður sinni í sex mánuði. Konan dvelur nú í Kvennaathvarfinu ásamt tveimur börnum sínum vegna ítrekaðra ofbeldisbrota af hálfu mannsins allt frá árinu 2007. Manninum er gefið að sök að hafa brotið gegn konunni kynferðislega, ráðist á hana með sérstaklega hættulegri aðferð, beitt hana ólögmætri nauðung og hótað henni ofbeldi, brotið gegn börnum hennar og ítrekað raskað friði hennar. Áhættumatsteymi lögreglustjórans kom saman vegna málsins í mars síðastliðnum eftir að konan óskaði eftir neyðarhnappi frá Securitas. Beiðni hennar var samþykkt, meðal annars með hliðsjón af því að hún glímir við fötlun sem gerir að verkum að hún gæti ekki kallað eftir aðstoð símleiðis, að því er segir í dómnum.Starfsmaður Kvennaathvarfsins óskaði eftir aðstoð Konan leitaði í Kvennaathvarfið í mars síðastliðnum og kvaðst hafa orðið fyrir ofbeldi af hálfu maka; andlegu, líkamlegu og kynferðislegu. Þá hafi maðurinn einnig beitt sex ára son þeirra líkamlegu ofbeldi. Starfsmaður Kvennaathvarfsins tilkynnti lögreglu um málið en konan hafði ekki viljað gefa skýrslu af ótta við sambýlismann sinn. Þá óttaðist hún jafnframt um öryggi barna sinna sem þá voru hjá föður sínum. Maðurinn neitaði að hafa beitt konuna ofbeldi en sagðist kannast við að hafa vísað henni á dyr. Konan gaf skýrslu hjá lögreglunni á höfuðborgarsvæðinu 21. mars. Þar kærði hún manninn fyrir ítrekuð ofbeldis- og kynferðisbrot allt aftur til ársins 2007 eða 2008. Nefndi hún meðal annars að sambýlismaður hennar hafi viljað fá tiltekinn mann til þess að koma og fullnægja henni kynferðislega. Hún hafi ávallt sagt nei. Einn daginn hafi hann hótað henni því að taka íbúðina af henni og henda henni út, hún hefði þá engan stað til þess að búa á. Hafi hún þá látið undan.Borgaði karlmanni fyrir kynmök með konu sinni Í dómnum segir að maðurinn hafi komið inn á heimilið og þau þrjú lagst upp í rúm. Þar hafi maðurinn reynt að fróa henni. Henni hafi liðið illa og á endanum gert sér upp fullnægingu til þess að losna undan þessu og grátið sig í svefn á eftir. Kvað hún sambýlismanns inn hafa greitt hinum karlmanninum tólf þúsund krónur fyrir. Þá segir konan jafnframt frá því að áður en börnin hafi fæðst hafi sambandið verið mjög stormasamt. Eitt skipti hafi maðurinn farið að slást við hana, það hafi liðið yfir hana og hún fallið á borð. Er hún hafi rankað við sér hafi hún séð að maðurinn var búinn að safna fötum hennar saman og kveikja í þeim. Hún segist ítrekað orðið fyrir ofbeldi af hálfu mannsins, sem og að hann hafi ítrekað unnið spellvirki á heimili þeirra. Maðurinn er jafnframt sakaður um ofbeldi gagnvart börnum þeirra, sem eru fjögurra og sex ára. Konan segir það meðal annars hafa gerst í desember 2014 og aftur í mars síðastliðnum. Framburður sonar þeirra í Barnahúsi 10. maí, sem og ljósmyndir og læknisvottorð, styðji að maðurinn hafi sparkað í barnið. Héraðsdómur úrskurðaði að maðurinn skyldi sæta nálgunarbanni í sex mánuði þannig að lagt verði bann við því að hann komi á eða í námunda við dvalarstað konunnar, Kvennaathvarfið, og lögheimili hennar á svæði sem afmarkast við 50 metra radíus. Þá er lagt bann við því að maðurinn veiti konunni eftirför, nálgist hana á almannafæri eða setji sig í samband við hana með öðrum hætti, þar á meðal tölvu- og símasamskiptum. Hæstiréttur staðfesti úrskurð héraðsdóms í dag.
Mest lesið Svona var Pallborðið með Höllu Hrund, Katrínu og Baldri Innlent Ákærð fyrir að kæfa son sinn með kodda Innlent Kolbeinn hafi strokið kynfæri stúlkunnar ítrekað Innlent Svandís boðar til blaðamannafundar Innlent Baldur segir niðurstöður nýjustu kannana vonbrigði Innlent Halla Hrund mælist með mest fylgi í nýrri könnun Maskínu Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Spellvirkinn lætur til skarar skríða á ný Innlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent Fleiri fréttir Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Sjá meira