Fótbolti

Svona kláruðum við Ungverja á erlendri grundu með neglu Hödda Magg

Kolbeinn Tumi Daðason skrifar
Höddi Magg í treyju númer 15 þefar uppi frákastið og tryggir Íslandi sigur í Búdapest.
Höddi Magg í treyju númer 15 þefar uppi frákastið og tryggir Íslandi sigur í Búdapest.
Íslendingar hafa einu sinni lagt ungverska landsliðið í knattspyrnu á erlendri grundu. Það gerðu okkar menn í Búdapest í júní 1992 en leikurinn var hluti af undankeppni HM 1994 sem fram fór í Bandaríkjunum.

 Þeir sem sáu leikinn gleyma honum seint en Ungverjar hófu leikinn með stórsókn og komust yfir strax í upphafi með ótrúlega ljótu marki. Litlu munaði að markaskorari þeirra klúðraði færi á línunni því hann hitti boltann skelfilega. Útlit var fyrir að íslenska liðið yrðu siglt í kaf en leikur stóðu þó aðeins 1-0 í hálfleik.

 Okkar menn léku á rangstöðugildu Ungverja snemma í síðari hálfleik þegar Þorvaldur Örglysson skoraði eftir lúmska sendingu Sigurðar Grétarssonar á 51. mínútu. Sigurður fór af velli á 64. mínútu og inn kom Hörður nokkur Magnússon.

Framherjinn hafði verið inn á vellinum í níu mínútur þegar Íslendingar áttu glæsilega sókn.

 Boltinn var unninn á miðjunni og komið út á kantinn á Kristján Jónsson. Fanta fyrirgjöf Framarans hafnaði hjá Rúnari Kristinssyni sem henti sér fram og skallaði, markvörður Ungverja varði en Hörður náði frákastinu og þrumaði boltanum upp í þaknetið. 

Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur áFacebook,Twitterog Snapchat (sport365).

 

Íslendingar unnu einnig sigur í síðari leiknum á Laugardalsvelli þar sem Eyjólfur Sverrisson skoraði í fyrri hálfleik og Arnór Guðjohnsen glæsimark í þeim síðari.
EM 2016 í Frakklandi

Tengdar fréttir

Mest lesið


Fleiri fréttir

Sjá meira


×

Mest lesið