Framvísaði heimagerðum lögregluskilríkjum

Lögreglan hafði í nógu að snúast í nótt sökum ölvunar. Maður í mjög annarlegu ástandi var handtekinn í miðbænum á níunda tímanum. Sá hafði ætt inn á hótel og framvísað heimagerðum lögregluskilríkum. Hann dró starfsmann út af hótelinu og í átt að lögreglustöðinni áður en alvöru lögregluþjóna bar að garði.

Maðurinn kynnti sig fyrir alvöru lögregluþjónunum sem lögregluþjón og var handtekinn. Þetta kemur fram í dagbók lögreglu.

Þá var annar ölvaður maður handtekinn í Ármúla, sem grunaður er um að hafa brotið rúðu í bíl og ráðist á starfsmann hótels. Lögreglan hafði afskipti af þremur mönnum sem voru ofurölvi.

Þar að auki stöðvaði lögreglan tvö bíla þar sem ökumenn þeirra voru grunaðir um akstur undir áhrifum fíkniefna. Annar ökumaðurinn var ung kona en hún var einnig ekki með ökuréttindi. Farþegar bílsins voru einnig handteknir vegna gruns um þjófnað, vörslu fíkniefna og brot á vopnalögum.

Lögreglunni barst einnig tilkynning um líkamsárás í miðborginni í nótt. Þá ætlaði öryggisvörður að stöðva mann sem hafði stolið vörum en var sleginn í andlitið. Þjófurinn komst undan og öryggisvörðurinn var fluttiur á Slysadeild til aðhlynningar.

Okkar fólk er að störfum yfir páskahátíðina og nóg var um útköll í nótt. Einn reyndi að leggja okkur lið, hafði falsað...

Posted by Lögreglan á höfuðborgarsvæðinu on Sunday, March 27, 2016