Vígamenn ráðast á háskóla í Pakistan

Vígamenn gerðu í nótt árás á háskólann í Charsadda í norðvesturhluta Pakistans og stendur bardagi á milli þeirra og öryggissveita enn yfir. Mennirnir skutu sér leið inn í skólann og enn er óljós hvort margir séu látnir en staðfest er að sjö eru látnir og tuttugu særðir hið minnsta.

Charsadda er aðeins í fimmtíu kílómetra fjarlægð frá borginni Peshawar þar sem Talíbanar tóku 130 stúdenta af lífi í svipaðri aðgerð árið 2014. Öryggisveitir hafa umkringt skólann og er verið að reyna að koma sem flestum út en ekki er vitað hvort vígamennirnir séu með fólk í gíslingu.