Rakarakvartett stytti farþegum stundir - Myndband

Flugvél sem átti að leggja af stað til New Orleans í Bandaríkjunum varð fyrir töfum, eftir að farþegar höfðu farið um borð í vélina. Við venjulegar kringumstæður er skapið fljótt að segja til sín hjá flestum, en svo var ekki í þessu tilviki.

Flugfreyja ein var á gangi á milli farþega og ræddi við þá, þegar hún uppgötvaði að í vélinni væri rakarakvartett.

Hún bað þá um að syngja fyrir farþegana, sem þeir gerðu og sungu þeir lagið Under the Boardwalk. Flugfreyjan setti myndbandið á Youtube, þar sem hún tekur fram að andrúmsloftið í vélinni hafi breyst samstundis og allir hafi endað í góðu skapi.

USAirways ætti kannski að ráða rakarakvartettinn Port City Sound.