Kvikmyndahátíð framhaldsskólanna: Fylgdust með lífi heyrnarskerts drengs

Kvikmyndahátíð framhaldsskólanna fer fram komandi helgi. Þann 7. febrúar verður besta stuttmynd framhaldsskólanema valin.

Borgarholtsskóli sendir frá sér myndina Hljóðheimur Arons.

Fram komu: Aron Dagur, faðir hans Hafþór Harðarson og kennararnir Helga og Sara  

Leikstjórn, handrit, myndataka og klipping: Sara Alexía Sala Sigríðardóttir

Um myndina:Aron er ungur, heyrnarskertur drengur sem hefur lært að lifa með heyrnarleysinu með hjálp fjölskyldu og skóla. Oft reynir þó á úthald hans og þolinmæði.

Kvikmyndahátíð framhaldsskólannna er skipulögð af hópi nemenda í hátíðaráfanga sem kenndur er á nýsköpunar- og listabraut í Fjölbrautaskólanum við Ármúla. Hátíðarstjóri er Benedikt Snær Gylfason nemi, en þetta er frumraun hans sem hátíðarstjóri.

Undirbúningur hófst í haust og hafa 25 stuttmyndir frá framhaldsskólanemum um allt land verið sendar inn.

Heiðursgestur hátíðarinnar er leikstjórinn Ragnar Bragason. Ragnar er þaulreyndur leikstjóri en ferill hans spannar sjö kvikmyndir í fullri lengd, sex þáttaseríur fyrir sjónvarp sem seldar hafa verið til sýninga víðsvegar í heiminu og tvær leiksýningar fyrir Borgarleikhúsið. Hann hóf kvikmyndaferil sinn í Fjölbrautaskólanum við Ármúla þar sem hann leikstýrði sinni fyrstu stuttmynd.