Kvikmyndahátíð framhaldsskólanna: Hundur spjallar við mann

Kvikmyndahátíð framhaldsskólanna fer fram komandi helgi en þann 7. febrúar verður besta stuttmynd framhaldsskólanema verðlaunuð. 

Frá Fjölbrautarskóla Norðurlands vestra (FNV) kemur myndin Kátur á safninu.

Leikarar: Beggó Pálma fer með hlutverk stráksins, Kristbjörg Kemp leikur konu og hundurinn Kátur leikur sjálfan sig

Handrit og myndataka: Jóna Salvör og Árni Gunnarsson 

Klipping: Jóna Salvör og Beggó Pálma 

Framleiðsla: Árni Gunnarsson

Leikstjórn: Jóna Salvör 

Um myndina: Fólk heldur oft á tíðum að það sé gáfaðra en það er. Kvikmyndin er svarthvít og í anda gömlu þöglu myndanna.



Kvikmyndahátíð framhaldsskólannna er skipulögð af hópi nemenda í hátíðaráfanga sem kenndur er á nýsköpunar- og listabraut í Fjölbrautaskólanum við Ármúla. Hátíðarstjóri er Benedikt Snær Gylfason nemi, en þetta er frumraun hans sem hátíðarstjóri.

Undirbúningur hófst í haust og hafa 25 stuttmyndir frá framhaldsskólanemum um allt land verið sendar inn.

Heiðursgestur hátíðarinnar er leikstjórinn Ragnar Bragason. Ragnar er þaulreyndur leikstjóri en ferill hans spannar sjö kvikmyndir í fullri lengd, sex þáttaseríur fyrir sjónvarp sem seldar hafa verið til sýninga víðsvegar í heiminu og tvær leiksýningar fyrir Borgarleikhúsið. Hann hóf kvikmyndaferil sinn í Fjölbrautaskólanum við Ármúla þar sem hann leikstýrði sinni fyrstu stuttmynd.