Matur

Veisla upp á franska vísu

Eva Laufey Kjaran skrifar
Vísir/Stöð 2

Makkarónur

125 g möndlumjöl

125 g flórsykur

40 g eggjahvítur

matarlitur að eigin vali

40 g eggjahvítur

110 g sykur

2 msk. vatn



Sjóðið saman 110 g af sykri og 2 msk. af vatni þar til sírópið hefur náð 110°C hita. Notið kjöthitamæli til þess að mæla hitastigið.

Þeytið 40 g af eggjahvítum og bætið sírópinu út í og hrærið í hrærivél þar til marensinn hefur kólnað. Marensinn er klár þegar þið getið hvolft skálinni án þess að hann hreyfist.

Sigtið möndlumjöl og flórsykur saman, með því að sigta það saman tryggjum við að mjölið verði eins fínt og best verður á kosið. Blandið 40 g af eggjahvítum út í og hrærið vel í eða þar til þetta verður að góðum möndlumassa.

Makkarónur eru sérlega fallegar í öllum regnbogans litum og á þessu stigi bætið þið matarlit við deigið og blandið vel saman.

Í lokin bætið þið marensblöndunni saman við í þremur skömmtum og hrærið vel saman með sleif.

Hitið ofninn í 110°C. Setjið makkarónudeigið í sprautupoka og sprautið 2–3 cm hnappa með jöfnu millibili á pappírsklædda ofnplötu.

Skellið plötunni á borðið 2–3 sinnum, með því að gera það þá losum við um loftbólur sem myndast í deiginu. Kökurnar þurfa að standa í 15–25 mínútur við stofuhita eða þar til þær verða snertiþurrar.

Bakið kökurnar í 10–12 mínútur. Ofnar eru auðvitað misjafnir og það er best að athuga með fremstu kökurnar fyrst, ef þær eru enn fastar við bökunarpappírinn þá þarf að baka þær örlítið lengur.

Kælið kökurnar áður en þið sprautið kremi á milli botnanna.

Súkkulaðifylling með sjávarsalti

50 ml rjómi

100 dökkt súkkulaði

2 msk. smjör

gróft salt



Hitið rjóma að suðu, takið pottinn af hitanum og bætið söxuðu súkkulaðinu og smjörinu út í rjómann.

Leyfið súkkulaðinu að bráðna í rólegheitum og setjið smá salt í lokin. Setjið kremið í sprautupoka og kælið þar til það verður stíft. Sprautið á milli botnanna.

Gómsæt og einföld quiche Lorraine.

Quiche Lorraine 

Bökudeig 

250 g hveiti 

100 g smjör

salt á hnífsoddi 

75 ml kalt vatn



Blandið 250 g af hveiti saman við 100 g af smjöri og brjótið smjörið hægt og rólega saman við hveitið. 

Bætið salti við og síðan köldu vatni og hnoðið saman í deig. 

Pakkið deiginu inn í plastfilmu og setjið í ísskáp í 30 mínútur.

Fletjið deigið svo út þannig að það sé stærra en bökuformið. 

Leggið síðan deigið ofan í mótið og formið eftir því. 

Gatið deigið með gaffli og bakið í 15–20 mínútur í 180°C. 

Á meðan bökuskelin er í ofninum útbúið þið fyllinguna

5 egg 

430 g sýrður rjómi 

1 laukur 

200 g pancetta

pipar

Setjið fimm egg í skál og hrærið saman, bætið sýrðum rjóma saman við og kryddið til með pipar. 

Steikið lauk og pancettu á pönnu þar til pancettan er stökk. 

Setjið pancettu og lauk í bökubotninn í mótinu og hellið eggjablöndunni yfir. 

Bakið í ofni við 180°C í 30–35 mínútur. 

Það er gott að láta bökuna standa í 20 mínútur eða svo áður en hún er skorin í sneiðar því þá verður hún þéttari í sér.

Berið bökuna fram með fersku salati og dressingu. 



Einföld og ljúffeng salatdressing

2 dl ólífuolía 

1 dl ferskur sítrónusafi 

1 msk. dijon-sinnep

maldon-salt 

pipar



Allt sett í krukku og hrist í smá stund, berið strax fram.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.