Haraldur hinn hamingjusami

Haraldur Einarsson, þingmaður Framsóknarflokksins, leikur við hvurn sinn fingur þessa dagana og skammt stórra högga á milli þegar kemur að tilefni til að fagna.

Í vikunni gladdist þingmaðurinn innilega yfir meistaragráðu unnustunnar, Birnu Harðardóttur. Fór Haraldur afar fögrum orðum um meistara Birnu sína á fésbókarsíðu sinni og benti hann áhugasömum um innleiðingu sérleyfisverslana á að meistari Birna væri viðskiptafræðingurinn sem taka mætti mark á í þeim efnum.

Stutt er síðan fjölskyldan gladdist yfir fréttum um væntanlegan erfingja og enn styttra síðan þau glöddust yfir að drengur væri væntanlegur.