Það á alltaf að standa með vinum sínum

Hvaða mynd fóruð þið að sjá strákar?

Sölvi og Kári: ANTBOY: Rauða refsinornin.



Hvernig fannst ykkur myndin?

Sölvi: Mér fannst hún mjög góð og vel leikin. Hún var voðalega spennandi og svo voru mjög fyndin atriði í henni. Bardagaatriðin voru líka svakalega flott.

Kári: Mér fannst hún jafn góð og parkour og ég elska parkour.

Hver var skemmtilegastur í myndinni?

Sölvi: Mér fannst Antboy skemmtilegasti karakterinn. Svo var vinur hans Wilhelm líka mjög góður.

Kári: Rauða refsinornin var skemmtileg, það var svo flott hvernig hún gat látið sig hverfa og birtast aftur.

Lærðuð þið eitthvað af þessari mynd?

Sölvi: Já, eins og það að maður á alltaf að vera góður við aðra. Ef þú vilt að aðrir séu góðir við þig, þá verður þú að vera góður. Svo á maður líka alltaf að standa með vinum sínum.

Kári: Til dæmis það að þótt maður sé sterkur, þá getur maður stundum misst kraftinn.

Mynduð þið mæla með þessari mynd við aðra krakka?

Sölvi: Já, alveg pottþétt. Þetta var ein skemmtilegasta mynd sem ég hef séð og ég hlakka til að sjá þriðju myndina um Antboy sem leikstjórinn, Ask Hasselbalch, sagði að yrði tekin upp í sumar. En því miður sagði hann að það yrði síðasta myndin um Antboy. Allir í Bíó Paradís!

Kári: Já, ég ætla sko að segja vinum mínum hvað hún var skemmtileg.