Victoria missir mikilvæga engla

Undirfatamerkið Victoria's Secret hefur misst tvo engla frá sér undanfarið.

Ofurfyrirsætan Karlie Kloss tilkynnti í vikunni að hún hefði sagt skilið við englahlutverkið og ætlaði að hefja nám við New York-háskóla næsta haust.

Þá hefur önnur ofurfyrirsæta, Doutzen Kroes, tilkynnt að hún ætli einnig að skila inn vængjunum, þar sem vinnan fyrir undirfatamerkið stangist á við önnur verkefni í Evrópu, en hún hefur verið engill síðan 2008.

Þetta staðfesti Ed Razek, yfirmaður markaðsmála hjá Victoria's Secret, á Instagram-síðu sinni.