Íhugar að klippa hárið eftir sýninguna 13. febrúar 2015 08:00 Eyþór Ingi Gunnlaugsson leikur Jesú í einni vinsælustu rokkóperu allra tíma þegar tónleikaútgáfa Jesus Christ Superstar. „Ég er virkilega spenntur, það er gaman að fá séns á því að gera þetta aftur,“ segir tónlistarmaðurinn Eyþór Ingi Gunnlaugsson. Hann leikur Jesú í einni vinsælustu rokkóperu allra tíma þegar tónleikaútgáfa Jesus Christ Superstar eftir Andrew Lloyd Webber og Tim Rice verður færð upp í heild á sviði Eldborgar í Hörpu og í Hofi á Akureyri . „Þetta er geggjaður hópur og ég hlakka mikið til,“ segir Eyþór Ingi um sýninguna. Aðrir söngvarar eru Þór Breiðfjörð sem leikur Júdas, Björn Jörundur Friðbjörnsson leikur Pontíus Pílatus, Ragga Gröndal leikur Maríu Magdalenu, Jóhann Sigurðarson leikur Kaífas, Ólafur Egilsson leikur Heródes og Annas og þá leikur Magni Ásgeirsson Pétur postula og Símon vandlætara. „Ég held ég sé samt spenntastur fyrir því að sjá Björn Jörund taka Pontíus Pílatus,“ bætir Eyþór Ingi við. Hinn hárprúði tónlistarmaður hefur þó brugðið sér í líki Jesú áður. „Ég byrjaði að safna hári út af hlutverkinu þegar ég lék Jesú í uppfærslu VMA árið 2006. Ég hef ekki klippt það síðan. Eftir sýninguna hugsaði ég með mér, ég hefði getað gert þetta betur þannig að ég leyfði faxinu að hanga og núna er komið að því,“ útskýrir Eyþór Ingi. „Nú fer ég aftur í naflaskoðun hvort ég láti það fjúka eftir þetta.“Þór Breiðfjörð leikur Júdas, Ragga Gröndal leikur Maríu Magdalenu og Björn Jörundur Friðbjörnsson leikur Pontíus Pílatus.Eyþór Ingi hefur komið víða við síðan í uppfærslunni í VMA og hefur hár hans oft komist í umræðuna. „Það hefur enginn fengið að snerta hárið á mér. Leikstjórar og aðrir hafa oft reynt að fá mig til þess að klippa mig og lita. Til dæmis í Rocky Horror, Hárinu og Vesalingunum. Það átti líka að vesenast í hárinu fyrir Eurovision en það kom ekki til greina,“ segir Eyþór Ingi og hlær. Tónlistarstjóri í uppfærslunni er Friðrik Karlsson en hann þekkir tónlistina ansi vel. „Frissi er búinn að vera að spila í Jesus Christ Superstar sýningum á vegum fyrirtækis Andrews Lloyd Webber sem heitir The Really Useful Group. Við erum með sérstakt leyfi frá því fyrirtæki,“ segir Eiður Arnarsson bassaleikari. Þeir Friðrik standa á bak við sýninguna. „Frissi hefur spilað í sýningunni í Bretlandi og Ástralíu. Þetta hafa verið risagigg hjá honum og hefur hann verið að koma fram í tíu til fimmtán þúsund manna tónleikahöllum,“ bætir Eiður við. Sýningin hér á Íslandi verður í tónleikaformi en ekki hinu hefðbundna óperuformi en Selma Björnsdóttir leikstýrir uppfærslunni.Jesus Christ Superstar kom fyrst út á tvöfaldri hljómplötu árið 1970 þar sem Ian Gillan og Murray Head sungu burðarhlutverkin, Jesú og Júdas. Verkið var fyrst sett á svið á Broadway árið 1971 og árið 1973 var gerð kvikmynd sem náði miklum vinsældum. Jesus Christ Superstar hefur verið sett upp reglulega um allan heim undanfarin 40 ár og þar er Ísland engin undantekning. Fyrsta uppsetningin var árið 1973 í Austurbæjarbíói og fjölmargar uppfærslur í atvinnuleikhúsum og hjá áhugamannaleikhópum hafa síðan fylgt í kjölfarið við miklar vinsældir. Sýningin fer fram á skírdag, 2. apríl, og föstudaginn langa, 3. apríl í Eldborg og Hofi. Miðasala hefst 17. febrúar. Mest lesið Tók sterkan kjúklingabita í stað þess að styggja Íslendinga Lífið Egill, Valgeir og Sigurður Bjóla saman á sviði í fyrsta sinn síðan 1976 Lífið samstarf Brjánn hefur göngu sína í haust: „Erum við að falla úr efstu deild í Norður-Kóreu?“ Lífið Rekur sögu sósunnar sem allir elska: „Pítusósan fæddist í Asparfellinu“ Lífið Marín Manda og Hannes Frímann trúlofuð Lífið Opnar femínískt myndlistagallerí í Vesturbænum Menning „Ég mun lifa á þessum degi út ævina“ Lífið „Mig langar ekki lengur að deyja“ Lífið Terry Reid látinn Lífið Hvetur fólk til að taka sjálfu með „þessu glæsiklofi“ Lífið Fleiri fréttir Tók sterkan kjúklingabita í stað þess að styggja Íslendinga Gekk hringinn í kringum landið fyrir vannærð börn í Afríku Marín Manda og Hannes Frímann trúlofuð Terry Reid látinn Rekur sögu sósunnar sem allir elska: „Pítusósan fæddist í Asparfellinu“ Brjánn hefur göngu sína í haust: „Erum við að falla úr efstu deild í Norður-Kóreu?“ Samsæri tóbaksframleiðenda í reykfylltum bakherbergjum „Mig langar ekki lengur að deyja“ Loni Anderson er látin „Ég mun lifa á þessum degi út ævina“ Calvin Harris orðinn faðir Rod Stewart sýnir Ozzy taka sjálfur í himnaríki Myndaveisla: Ærandi pollagallastemming í Eyjum Skoðanabræður hætta göngu sinni: „Takk fyrir okkur“ Menningarperlan aftur komin í sitt gamla horf Hvetur fólk til að taka sjálfu með „þessu glæsiklofi“ Hermína sem missti folald og móðurlaus Tígull fundu hvort annað „Stundum finnst mér hún vera farin þó hún sé enn á lífi“ Krakkatían: Litla hafmeyjan, Pollapönk og lundar Myndasyrpa úr Eyjum: „Út með kassann og áfram gakk“ Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Nýja Kardashian-gríman breytir Hopkins aftur í Lecter Þrettán bestu lög Ozzy Osbourne Mannblendnir refir slá í gegn á Snæfellsnesi Einar og Milla eignuðust dreng Justin Timberlake með Lyme-sjúkdóm Sjá meira
„Ég er virkilega spenntur, það er gaman að fá séns á því að gera þetta aftur,“ segir tónlistarmaðurinn Eyþór Ingi Gunnlaugsson. Hann leikur Jesú í einni vinsælustu rokkóperu allra tíma þegar tónleikaútgáfa Jesus Christ Superstar eftir Andrew Lloyd Webber og Tim Rice verður færð upp í heild á sviði Eldborgar í Hörpu og í Hofi á Akureyri . „Þetta er geggjaður hópur og ég hlakka mikið til,“ segir Eyþór Ingi um sýninguna. Aðrir söngvarar eru Þór Breiðfjörð sem leikur Júdas, Björn Jörundur Friðbjörnsson leikur Pontíus Pílatus, Ragga Gröndal leikur Maríu Magdalenu, Jóhann Sigurðarson leikur Kaífas, Ólafur Egilsson leikur Heródes og Annas og þá leikur Magni Ásgeirsson Pétur postula og Símon vandlætara. „Ég held ég sé samt spenntastur fyrir því að sjá Björn Jörund taka Pontíus Pílatus,“ bætir Eyþór Ingi við. Hinn hárprúði tónlistarmaður hefur þó brugðið sér í líki Jesú áður. „Ég byrjaði að safna hári út af hlutverkinu þegar ég lék Jesú í uppfærslu VMA árið 2006. Ég hef ekki klippt það síðan. Eftir sýninguna hugsaði ég með mér, ég hefði getað gert þetta betur þannig að ég leyfði faxinu að hanga og núna er komið að því,“ útskýrir Eyþór Ingi. „Nú fer ég aftur í naflaskoðun hvort ég láti það fjúka eftir þetta.“Þór Breiðfjörð leikur Júdas, Ragga Gröndal leikur Maríu Magdalenu og Björn Jörundur Friðbjörnsson leikur Pontíus Pílatus.Eyþór Ingi hefur komið víða við síðan í uppfærslunni í VMA og hefur hár hans oft komist í umræðuna. „Það hefur enginn fengið að snerta hárið á mér. Leikstjórar og aðrir hafa oft reynt að fá mig til þess að klippa mig og lita. Til dæmis í Rocky Horror, Hárinu og Vesalingunum. Það átti líka að vesenast í hárinu fyrir Eurovision en það kom ekki til greina,“ segir Eyþór Ingi og hlær. Tónlistarstjóri í uppfærslunni er Friðrik Karlsson en hann þekkir tónlistina ansi vel. „Frissi er búinn að vera að spila í Jesus Christ Superstar sýningum á vegum fyrirtækis Andrews Lloyd Webber sem heitir The Really Useful Group. Við erum með sérstakt leyfi frá því fyrirtæki,“ segir Eiður Arnarsson bassaleikari. Þeir Friðrik standa á bak við sýninguna. „Frissi hefur spilað í sýningunni í Bretlandi og Ástralíu. Þetta hafa verið risagigg hjá honum og hefur hann verið að koma fram í tíu til fimmtán þúsund manna tónleikahöllum,“ bætir Eiður við. Sýningin hér á Íslandi verður í tónleikaformi en ekki hinu hefðbundna óperuformi en Selma Björnsdóttir leikstýrir uppfærslunni.Jesus Christ Superstar kom fyrst út á tvöfaldri hljómplötu árið 1970 þar sem Ian Gillan og Murray Head sungu burðarhlutverkin, Jesú og Júdas. Verkið var fyrst sett á svið á Broadway árið 1971 og árið 1973 var gerð kvikmynd sem náði miklum vinsældum. Jesus Christ Superstar hefur verið sett upp reglulega um allan heim undanfarin 40 ár og þar er Ísland engin undantekning. Fyrsta uppsetningin var árið 1973 í Austurbæjarbíói og fjölmargar uppfærslur í atvinnuleikhúsum og hjá áhugamannaleikhópum hafa síðan fylgt í kjölfarið við miklar vinsældir. Sýningin fer fram á skírdag, 2. apríl, og föstudaginn langa, 3. apríl í Eldborg og Hofi. Miðasala hefst 17. febrúar.
Mest lesið Tók sterkan kjúklingabita í stað þess að styggja Íslendinga Lífið Egill, Valgeir og Sigurður Bjóla saman á sviði í fyrsta sinn síðan 1976 Lífið samstarf Brjánn hefur göngu sína í haust: „Erum við að falla úr efstu deild í Norður-Kóreu?“ Lífið Rekur sögu sósunnar sem allir elska: „Pítusósan fæddist í Asparfellinu“ Lífið Marín Manda og Hannes Frímann trúlofuð Lífið Opnar femínískt myndlistagallerí í Vesturbænum Menning „Ég mun lifa á þessum degi út ævina“ Lífið „Mig langar ekki lengur að deyja“ Lífið Terry Reid látinn Lífið Hvetur fólk til að taka sjálfu með „þessu glæsiklofi“ Lífið Fleiri fréttir Tók sterkan kjúklingabita í stað þess að styggja Íslendinga Gekk hringinn í kringum landið fyrir vannærð börn í Afríku Marín Manda og Hannes Frímann trúlofuð Terry Reid látinn Rekur sögu sósunnar sem allir elska: „Pítusósan fæddist í Asparfellinu“ Brjánn hefur göngu sína í haust: „Erum við að falla úr efstu deild í Norður-Kóreu?“ Samsæri tóbaksframleiðenda í reykfylltum bakherbergjum „Mig langar ekki lengur að deyja“ Loni Anderson er látin „Ég mun lifa á þessum degi út ævina“ Calvin Harris orðinn faðir Rod Stewart sýnir Ozzy taka sjálfur í himnaríki Myndaveisla: Ærandi pollagallastemming í Eyjum Skoðanabræður hætta göngu sinni: „Takk fyrir okkur“ Menningarperlan aftur komin í sitt gamla horf Hvetur fólk til að taka sjálfu með „þessu glæsiklofi“ Hermína sem missti folald og móðurlaus Tígull fundu hvort annað „Stundum finnst mér hún vera farin þó hún sé enn á lífi“ Krakkatían: Litla hafmeyjan, Pollapönk og lundar Myndasyrpa úr Eyjum: „Út með kassann og áfram gakk“ Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Nýja Kardashian-gríman breytir Hopkins aftur í Lecter Þrettán bestu lög Ozzy Osbourne Mannblendnir refir slá í gegn á Snæfellsnesi Einar og Milla eignuðust dreng Justin Timberlake með Lyme-sjúkdóm Sjá meira