Hárstílisti Kardashian tjáir sig

Chris McMillan, hárstílisti raunveruleikastjörnunnar Kim Kardashian, segir að löngu, glansandi lokkarnir hennar séu hluti af ímynd hennar og einkennum.

McCmillan bar ábyrgð á Rachel-klippingunni vinsælu sem Jennifer Aniston var með í sjónvarpsþáttunum Friends. Hann hefur núna tjáð sig um hvernig hann hefur unnið með hárið á Kardashian. Hann segist aldrei hafa þurft að nota hárlengingar vegna þess að hennar náttúrulega hár er svo góður grunnur til að vinna með.

„Langa, æðislega hárið á Kim er hluti af einkennum hennar,“ sagði McMillan. „Náttúruleg áferð hársins er þykk og bylgjukennd. Í stað þess að berjast gegn því, notfæri ég mér það, og held öllu mjúku, auðveldu og lágstemmdu.“

Í viðtali við tímaritið Allure talaði McMillan einnig um hvernig hann útbjó hár Kardashian fyrir brúðkaup hennar á síðasta ári og hafði hann einfaldleikann í fyrirrúmi. „Brúðkaup er ekki rétti tíminn til að búa til eitthvað „trendí“.