Kerr lifir eftir 80/20 mottói

Miranda Kerr reynir að vera heilbrigð 80 prósent tímans og passar sig því upp á að hafa pláss fyrir óheilbrigt mataræði.

Hin 31 árs fyrirsæta leyfir sér af og til eitthvað gómsætt og lifir því eftir mottóinu 80/20 til að halda mataræðinu í jafnvægi. „Ég lifi eftir mottóinu 80/20 sem þýðir að ég borða hollt 80 prósent tímans en óhollt 20 prósent tímans.“

Hún reynir að búa til eigin heilsudrykki og heilbrigðan skyndibita. „Ég baka glútenlausar múffur með bláberjum og chia-fræjum,“ sagði Kerr, sem á fjögurra ára son með fyrrverandi eiginmanni sínum, Orlando Bloom.