Öflugur jarðskjálfti í Afganistan

Sautján slösuðust í öflugum jarðskjálfta, af stærðinni 6,3, sem reið yfir norðurhluta Afganistans í nótt. Upptök skjálftans voru á landamærum Tadsíkistans og Pakistans, en hann fannst vel meðal annars í Islamabad, höfuðborg Pakistans  og Nýju Dehli á Indlandi.

Ekki hafa borist fregnir af manntjóni, en mest varð tjónið í Peshawar í norðvesturhluta Pakistans þar sem hús hrundu til grunna.

Jarðskjálftar eru nokkuð algengir á þessum slóðum en nú síðast í október fórust nærri 400 í jarðskjálfta í Afganistan og Pakistan, sem var af stærðinni 7,5.