Dæmir Olmert í átján mánaða fangelsi

Hæstiréttur Ísraels hefur dæmt Ehud Olmert, fyrrverandi forsætisráðherra landsins, í átján mánaða fangelsi vegna spillingarmála.

Dómstóll í landinu hafði áður dæmt Olmert í sex ára fangelsi, en Hæstiréttur mildaði dóminn í átján mánuði.

Hinn sjötugi Olmert var dæmdur vegna fasteignaviðskipa sem áttu sér stað á þeim tíma sem hann gegndi embætti borgarstjóra Jerúsalemborgar. Hann var forsætisráðherra Ísraels á árunum 2006 til 2009.

Olmert er fyrsti maðurinn sem gegnt hefur embætti forsætisráðherra og dæmdur er til fangelsisvistar. Hann mun hefja afplánun þann 15. febrúar.