Viðskipti innlent

Innkalla glassúr

Stefán Árni Pálsson skrifar
mynd/aðsend
Katla ehf. tilkynnir í dag sölustöðvun og innköllun á Glassúr súkkulaði og Glassúr bleikur, merktum Kötlu, vegna ómerkts ofnæmis- og óþolsvalds. Þetta kemur fram í tilkynningu frá fyrirtækinu.

Katla hefur, í samráði við matvælaeftirlit Heilbrigðiseftirlits Reykjavíkur, innkallað Glassúr súkkulaði og Glassúr Bleikur, merktur Kötlu, vegna ómerkts ofnæmis- og óþolsvalds (eggjaduft).

Tekið skal fram að vörurnar eru skaðlausar þeim sem ekki eru viðkvæmir fyrir eggjadufti.

Viðskiptavinum, sem hafa verslað vöruna og eru viðkvæmir fyrir eggjadufti, er bent á að hægt er að skila henni til Kötlu, Kletthálsi 3, 110 Reykjavík, milli 8 og 16 alla virka daga.

Eftirfarandi upplýsingar auðkenna vörurnar sem innköllunin einskorðast við:

Vöruheiti. Glassúr súkkulaði

Strikanúmer:  5690591123100

Best fyrir: Allar best fyrir dagsetningar

Nettóþyngd: 100 ml

Framleiðandi: Katla

Framleiðsluland: Ísland

Dreifing: Allar helstu matvöruverslanir á landinu.

Vöruheiti. Glassúr bleikur

Strikanúmer:  5690591123117

Best fyrir: Allar best fyrir dagsetningar

Nettóþyngd: 100 ml

Framleiðandi: Katla

Framleiðsluland: Ísland

Dreifing: Allar helstu matvöruverslanir á landinu. 






Fleiri fréttir

Sjá meira


×