Snorri Steinn spilar með Ásgeiri Erni næsta vetur

Snorri Steinn Guðjónsson mun færa sig um set í Frakklandi í sumar.

Þá yfirgefur hann lið Sélestat og gengur í raðir Nimes sem Ásgeir Örn Hallgrímsson spilar með. Fyrir þessu hefur íþróttadeild heimildir.

Snorri greindi frá því á dögunum að hann væri á förum frá Sélestat þar sem hann hefur ekki verið ánægður. Lítið nema fall úr frönsku úrvalsdeildinni blasir við liðinu.

Nimes hefur mikla trú á Snorra því liðið kaupir hann frá Sélestat.

Sélestat tók einmitt á móti Nimes í gær og þá vann Nimes sjö marka sigur. Nimes er reyndar ekki laust við falldrauginn heldur en stigin í gær voru gulls ígildi.