Líkjast þeim sem þau leika Gyða Lóa Ólafsdóttir skrifar 20. janúar 2015 09:30 Kvikmyndir í ævisagnastíl sem segja sögur af raunverulegum atburðum og einstaklingum hafa löngum notið vinsælda, en nokkur ábyrgð þykir fylgja því að taka að sér slík hlutverk. Á síðasta ári komu út nokkrar slíkar myndir og fleiri eru væntanlegar á þessu ári.Eddie Redmayne hlaut Golde Globe-verðlaun fyrir hlutverk sitt sem Stephen Hawking.Mynd/GettyThe Theory of Everything Eddie Redmayne túlkar breska eðlisfræðinginn Stephen Hawking í kvikmyndinni The Theory of Everything og þykir hafa tekist afar vel til, en Hawking sjálfur er sagður hæstánægður með frammistöðu hans. Redmayne hlaut Golden Globe-verðlaunin sem besti leikari í dramaflokki kvikmynda og er einnig tilnefndur til Óskarsverðlauna. Myndin hlaut tvenn Golden Globe-verðlaun en Íslendingurinn Jóhann Jóhannsson hlaut verðlaun fyrir tónlistina í myndinni og er að auki tilnefndur til Óskarsverðlauna fyrir bestu frumsömdu tónlistina, en The Theory of Everything er alls tilnefnd til fimm Óskarsverðlauna.Sjónvarpsmyndin fjallar um líf stórsöngkonunnar Whitney Houston sem leikin er af Yaya Dacosta.Mynd/GettyWhitney Sjónvarpsmyndin Whitney, um líf stórsöngkonunnar Whitney Houston sem lést árið 2012, var frumsýnd á sjónvarpsstöðinni Lifetime fyrir skömmu. Leikkonan Yaya Dacosta leikur söngkonuna og Angela Bassett leikstýrir, en Whitney er hennar fyrsta leikstjórnarverkefni. Bassett þekkti Houston og vann með henni í bíómyndinni Waiting to Exhale sem kom út árið 1995. Fjölskylda söngkonunnar er mjög ósátt við myndina sem gerð var án hennar samþykkis og birti harðorða yfirlýsingu á opinberri heimasíðu söngkonunnar í kjölfar sýningarinnar.Timothy Spall hlaut gyllta pálmann á kvikmyndahátíðinni í Cannes fyrir hlutverk sitt sem J.M.W. Turner.Mynd/GettyMr. Turner Breski leikarinn Timothy Spall varði tveimur árum í undirbúningsvinnu fyrir hlutverk sitt sem landslagsmálarinn J.M.W. Turner í kvikmyndinni Mr. Turner sem kom út á seinasta ári. Spall þykir hafa tekist vel upp og fékk hann verðlaun sem besti leikarinn á Cannes-kvikmyndahátíðinni í maí síðastliðnum. Hann hlaut þó ekki tilnefningu til Óskarsverðlauna en Mr. Turner er tilnefnd í fjórum flokkum, meðal annars fyrir kvikmyndatöku og búningahönnun.Þeir Alan Turing og Benedict Cumberbatch eru fjarskyldir frændur og aldrei að vita nema skyldleikinn hafi nýst leikaranum í túlkun sinni.Mynd/GettyThe Imitation Game Breski leikarinn Benedict Cumberbatch leikur tæknifrömuðinn Alan Turing í The Imitation Game og var tilnefndur til Golden Globe-verðlauna sem besti leikarinn í dramamyndaflokki en verðlaunin féllu í skaut samlanda hans, Eddie Redmayne. Cumberbatch þykir framúrskarandi í myndinni og er tilnefndur til Óskarsverðlauna sem besti leikari í aðalhlutverki en The Imitation Game er alls tilnefnd til átta Óskarsverðlauna. Á daginn hefur komið að Cumberbatch og Turing eru skyldir í sautjánda ættlið.Queen Latifah fannst hún ekki nægilega lífsreynd þegar henni var fyrst boðið að leika Bessie Smith.Mynd/GettyBessie Söng- og leikkonunni Queen Latifah var fyrst boðið að leika blús- og djasssöngkonuna Bessie Smith fyrir tuttugu og tveimur árum en Latifah hafnaði boðinu þar sem henni fannst hún ekki nægilega lífsreynd. Nú tveimur áratugum seinna er Latifah lífsreyndari og tilbúin að takast á við áskorunina og lék söngkonuna í sjónvarpsmyndinni Bessie. Dee Rees leikstýrir myndinni sem er framleidd af HBO og verður frumsýnd á stöðinni á árinu.Hljólreiðakappinn Lance Armstrong er leikinn af Ben Foster í myndinni Icon.Mynd/GettyIcon Hjólreiðakappinn Lance Armstrong átti undir högg að sækja eftir að upp komst um lyfjamisnotkun hans. Ben Foster leikur Armstrong í myndinni Icon, þar sem sagt er frá honum og írska íþróttablaðamanninum sem var sannfærður um að Armstrong neytti ólöglegra efna og þeim mætti þakka sigurrunu hans í Tour de France. Stephen Frears leikstýrir myndinni og verður hún frumsýnd í Bandaríkjunum í ágúst.Nicole Kidman leikur Gertrude Bell í myndinni Queen of the desert.Mynd/GettyQueen of the Desert Werner Herzog leikstýrir myndinni Queen of the Desert sem fjallar um ævi og störf breska fornleifafræðingsins og njósnarans Gertrude Bell, en hún var einnig fyrsta konan sem lauk námi frá Oxford-háskóla. Í fyrstu var Naomi Watts skipuð í hlutverk Bell en ástralska leikkonan Nicole Kidman mun leika Bell í myndinni. Queen of the Desert verður frumsýnd í febrúar en auk Kidman fara James Franco og Robert Pattison með hlutverk í myndinni og er hennar beðið með talsverðri eftirvæntingu.Martin Luther King Jr. er leikinn af David Oyelowo í myndinni.Mynd/GettySelma David Oyelowo leikur aktívistann og frelsishetjuna Martin Luther King Jr. í kvikmyndinni Selma sem kom út undir lok seinasta árs. Myndin, sem meðal annars er framleidd af Brad Pitt, var tilnefnd sem besta dramamyndin á Golden Globe-hátíðinni en þurfti að lúta í lægra haldi fyrir Boyhood. Titillag myndarinnar, Glory, sem samið er og flutt af John Legend og Common hlaut Golden Globe-verðlaun og eru þeir einnig tilnefndir til Óskarsverðlaunanna. Mörgum þykir hafa verið litið fram hjá myndinni í Óskarstilnefningum en hún hlaut einungis tvær tilnefningar, fyrir besta lagið og bestu myndina. Golden Globes Óskarinn Mest lesið Gervispilanir tröllríða vinsældarlista Spotify Tónlist Svona er Þjóðhátíðarlagið 2024 Lífið Sveitasetur lýtalæknis til sölu: „Eign fyrir fjársterka aðila“ Lífið Forsetakosningar greindar í tætlur á flugvellinum Lífið Flughetja selur slotið með heitum og köldum Lífið Einföld ráð til að hlaða batteríin yfir sumarið Lífið „Pínu erfitt fyrir viðkvæman listamann“ Tónlist Guðni og Halla fagna saman Lífið Rakel selur 290 milljóna króna heillandi hús í Vesturbænum Lífið Bríet og Birnir rifu þakið af klúbbnum Tónlist Fleiri fréttir Elli og María Birta eru stoltir fósturforeldrar í Las Vegas Veðurgæðunum misskipt hjá lesendum Vísis Rakel selur 290 milljóna króna heillandi hús í Vesturbænum Svona er Þjóðhátíðarlagið 2024 Flestir vilja kalla Björn „forsetaherra“ Forsetakosningar greindar í tætlur á flugvellinum Einföld ráð til að hlaða batteríin yfir sumarið Guðni og Halla fagna saman Einir yngstu garðyrkjubændur landsins eru í Norðlingaholti Sveitasetur lýtalæknis til sölu: „Eign fyrir fjársterka aðila“ Flughetja selur slotið með heitum og köldum Af vængjum fram: Bestu augnablikin Aðstoðarkonan kærir Kanye fyrir kynferðislega áreitni Jón Daði og María Ósk nefndu drenginn „Það eina sem ég vildi var bara að lifa“ Hommahöllin til sölu Klútabyltingin: Finndu þinn eigin Höllu-klút Húsbóndinn á Árbakka hafði aldrei heyrt um þriðju vaktina Þriðja stúlka Evu Laufeyjar og Hadda fædd og komin með nafn Fyrrverandi eigandi Sóma vill 375 milljónir fyrir einbýlið Stjörnulífið: Hálsklútabyltingin, Gríman og brúðkaup í Boston „Mikilvægt að huga að því að þroskast í faginu“ Upplifði svæsið einelti en er í dag yngsti læknir landsins Steinunn vill fá Ásdísi með sér í „Kynbombuflokkinn“ Myndaveisla: Sjómannadagurinn í Reykjavík og Gummi Emil í koddaslag Dóttir Jolie og Pitt vill ekki heita Pitt lengur „Býr ekki lítil kerling innra með okkur öllum?“ Davíð Helgason og Isabella eignuðust dreng „Ef við erum lausnamiðuð þá sköpum við tækifærin“ Krakkatían: Forsetaefni, Disney og tónlist Sjá meira
Kvikmyndir í ævisagnastíl sem segja sögur af raunverulegum atburðum og einstaklingum hafa löngum notið vinsælda, en nokkur ábyrgð þykir fylgja því að taka að sér slík hlutverk. Á síðasta ári komu út nokkrar slíkar myndir og fleiri eru væntanlegar á þessu ári.Eddie Redmayne hlaut Golde Globe-verðlaun fyrir hlutverk sitt sem Stephen Hawking.Mynd/GettyThe Theory of Everything Eddie Redmayne túlkar breska eðlisfræðinginn Stephen Hawking í kvikmyndinni The Theory of Everything og þykir hafa tekist afar vel til, en Hawking sjálfur er sagður hæstánægður með frammistöðu hans. Redmayne hlaut Golden Globe-verðlaunin sem besti leikari í dramaflokki kvikmynda og er einnig tilnefndur til Óskarsverðlauna. Myndin hlaut tvenn Golden Globe-verðlaun en Íslendingurinn Jóhann Jóhannsson hlaut verðlaun fyrir tónlistina í myndinni og er að auki tilnefndur til Óskarsverðlauna fyrir bestu frumsömdu tónlistina, en The Theory of Everything er alls tilnefnd til fimm Óskarsverðlauna.Sjónvarpsmyndin fjallar um líf stórsöngkonunnar Whitney Houston sem leikin er af Yaya Dacosta.Mynd/GettyWhitney Sjónvarpsmyndin Whitney, um líf stórsöngkonunnar Whitney Houston sem lést árið 2012, var frumsýnd á sjónvarpsstöðinni Lifetime fyrir skömmu. Leikkonan Yaya Dacosta leikur söngkonuna og Angela Bassett leikstýrir, en Whitney er hennar fyrsta leikstjórnarverkefni. Bassett þekkti Houston og vann með henni í bíómyndinni Waiting to Exhale sem kom út árið 1995. Fjölskylda söngkonunnar er mjög ósátt við myndina sem gerð var án hennar samþykkis og birti harðorða yfirlýsingu á opinberri heimasíðu söngkonunnar í kjölfar sýningarinnar.Timothy Spall hlaut gyllta pálmann á kvikmyndahátíðinni í Cannes fyrir hlutverk sitt sem J.M.W. Turner.Mynd/GettyMr. Turner Breski leikarinn Timothy Spall varði tveimur árum í undirbúningsvinnu fyrir hlutverk sitt sem landslagsmálarinn J.M.W. Turner í kvikmyndinni Mr. Turner sem kom út á seinasta ári. Spall þykir hafa tekist vel upp og fékk hann verðlaun sem besti leikarinn á Cannes-kvikmyndahátíðinni í maí síðastliðnum. Hann hlaut þó ekki tilnefningu til Óskarsverðlauna en Mr. Turner er tilnefnd í fjórum flokkum, meðal annars fyrir kvikmyndatöku og búningahönnun.Þeir Alan Turing og Benedict Cumberbatch eru fjarskyldir frændur og aldrei að vita nema skyldleikinn hafi nýst leikaranum í túlkun sinni.Mynd/GettyThe Imitation Game Breski leikarinn Benedict Cumberbatch leikur tæknifrömuðinn Alan Turing í The Imitation Game og var tilnefndur til Golden Globe-verðlauna sem besti leikarinn í dramamyndaflokki en verðlaunin féllu í skaut samlanda hans, Eddie Redmayne. Cumberbatch þykir framúrskarandi í myndinni og er tilnefndur til Óskarsverðlauna sem besti leikari í aðalhlutverki en The Imitation Game er alls tilnefnd til átta Óskarsverðlauna. Á daginn hefur komið að Cumberbatch og Turing eru skyldir í sautjánda ættlið.Queen Latifah fannst hún ekki nægilega lífsreynd þegar henni var fyrst boðið að leika Bessie Smith.Mynd/GettyBessie Söng- og leikkonunni Queen Latifah var fyrst boðið að leika blús- og djasssöngkonuna Bessie Smith fyrir tuttugu og tveimur árum en Latifah hafnaði boðinu þar sem henni fannst hún ekki nægilega lífsreynd. Nú tveimur áratugum seinna er Latifah lífsreyndari og tilbúin að takast á við áskorunina og lék söngkonuna í sjónvarpsmyndinni Bessie. Dee Rees leikstýrir myndinni sem er framleidd af HBO og verður frumsýnd á stöðinni á árinu.Hljólreiðakappinn Lance Armstrong er leikinn af Ben Foster í myndinni Icon.Mynd/GettyIcon Hjólreiðakappinn Lance Armstrong átti undir högg að sækja eftir að upp komst um lyfjamisnotkun hans. Ben Foster leikur Armstrong í myndinni Icon, þar sem sagt er frá honum og írska íþróttablaðamanninum sem var sannfærður um að Armstrong neytti ólöglegra efna og þeim mætti þakka sigurrunu hans í Tour de France. Stephen Frears leikstýrir myndinni og verður hún frumsýnd í Bandaríkjunum í ágúst.Nicole Kidman leikur Gertrude Bell í myndinni Queen of the desert.Mynd/GettyQueen of the Desert Werner Herzog leikstýrir myndinni Queen of the Desert sem fjallar um ævi og störf breska fornleifafræðingsins og njósnarans Gertrude Bell, en hún var einnig fyrsta konan sem lauk námi frá Oxford-háskóla. Í fyrstu var Naomi Watts skipuð í hlutverk Bell en ástralska leikkonan Nicole Kidman mun leika Bell í myndinni. Queen of the Desert verður frumsýnd í febrúar en auk Kidman fara James Franco og Robert Pattison með hlutverk í myndinni og er hennar beðið með talsverðri eftirvæntingu.Martin Luther King Jr. er leikinn af David Oyelowo í myndinni.Mynd/GettySelma David Oyelowo leikur aktívistann og frelsishetjuna Martin Luther King Jr. í kvikmyndinni Selma sem kom út undir lok seinasta árs. Myndin, sem meðal annars er framleidd af Brad Pitt, var tilnefnd sem besta dramamyndin á Golden Globe-hátíðinni en þurfti að lúta í lægra haldi fyrir Boyhood. Titillag myndarinnar, Glory, sem samið er og flutt af John Legend og Common hlaut Golden Globe-verðlaun og eru þeir einnig tilnefndir til Óskarsverðlaunanna. Mörgum þykir hafa verið litið fram hjá myndinni í Óskarstilnefningum en hún hlaut einungis tvær tilnefningar, fyrir besta lagið og bestu myndina.
Golden Globes Óskarinn Mest lesið Gervispilanir tröllríða vinsældarlista Spotify Tónlist Svona er Þjóðhátíðarlagið 2024 Lífið Sveitasetur lýtalæknis til sölu: „Eign fyrir fjársterka aðila“ Lífið Forsetakosningar greindar í tætlur á flugvellinum Lífið Flughetja selur slotið með heitum og köldum Lífið Einföld ráð til að hlaða batteríin yfir sumarið Lífið „Pínu erfitt fyrir viðkvæman listamann“ Tónlist Guðni og Halla fagna saman Lífið Rakel selur 290 milljóna króna heillandi hús í Vesturbænum Lífið Bríet og Birnir rifu þakið af klúbbnum Tónlist Fleiri fréttir Elli og María Birta eru stoltir fósturforeldrar í Las Vegas Veðurgæðunum misskipt hjá lesendum Vísis Rakel selur 290 milljóna króna heillandi hús í Vesturbænum Svona er Þjóðhátíðarlagið 2024 Flestir vilja kalla Björn „forsetaherra“ Forsetakosningar greindar í tætlur á flugvellinum Einföld ráð til að hlaða batteríin yfir sumarið Guðni og Halla fagna saman Einir yngstu garðyrkjubændur landsins eru í Norðlingaholti Sveitasetur lýtalæknis til sölu: „Eign fyrir fjársterka aðila“ Flughetja selur slotið með heitum og köldum Af vængjum fram: Bestu augnablikin Aðstoðarkonan kærir Kanye fyrir kynferðislega áreitni Jón Daði og María Ósk nefndu drenginn „Það eina sem ég vildi var bara að lifa“ Hommahöllin til sölu Klútabyltingin: Finndu þinn eigin Höllu-klút Húsbóndinn á Árbakka hafði aldrei heyrt um þriðju vaktina Þriðja stúlka Evu Laufeyjar og Hadda fædd og komin með nafn Fyrrverandi eigandi Sóma vill 375 milljónir fyrir einbýlið Stjörnulífið: Hálsklútabyltingin, Gríman og brúðkaup í Boston „Mikilvægt að huga að því að þroskast í faginu“ Upplifði svæsið einelti en er í dag yngsti læknir landsins Steinunn vill fá Ásdísi með sér í „Kynbombuflokkinn“ Myndaveisla: Sjómannadagurinn í Reykjavík og Gummi Emil í koddaslag Dóttir Jolie og Pitt vill ekki heita Pitt lengur „Býr ekki lítil kerling innra með okkur öllum?“ Davíð Helgason og Isabella eignuðust dreng „Ef við erum lausnamiðuð þá sköpum við tækifærin“ Krakkatían: Forsetaefni, Disney og tónlist Sjá meira