Himnesk Nutella ostakaka

Í síðasta þætti mínum einbeitti ég mér að einföldum og fljótlegum réttum. Ég útbjó meðal annars þessa ómótstæðilegu ostakaka sem ég hvet alla til þess að prófa. 

Nutella ostakaka með heslihnetubotni

Botn:

250 g Digestive kexkökur

150 g smjör, við stofuhita

100 g heslihnetur

2 msk Nutella



Aðferð:

Maukið kexkökurnar í matvinnsluvél. Bætið smjörinu, heslihnetum og nutella saman við og maukið. Skiptið kexblöndunni niður í nokkrar skálar eða í eitt stórt form. Setjið inn í kæli á meðan fyllingin er útbúin.



Fylling

500 g rjómaostur, við stofuhita

2 msk flórsykur

1 krukka Nutella

1 tsk vanilludropar

3 dl þeyttur rjómi

Aðferð:

Þeytið saman rjómaost, flórsykur, Nutella og vanilludropa. Þegar blandan er tilbúin bætið þið þeyttum rjóma saman við með sleif. Hellið ostablöndunni í skálarnar og setjið smávegis af rjóma, ristaðar heslihnetur og fersk jarðaber yfir.

Ekki missa af Matargleði Evu öll fimmtudagskvöld kl 19:50 á Stöð 2.