Fjórar íslenskar hljómsveitir spila á Hróarskeldu

Íslensku sveitirnar Vök, Young Karin, Kippi Kaninus og The Vintage Caravan munu koma fram á dönsku tónlistarhátíðinni Hróarskeldu í sumar. Hátíðin fer fram 27. júní til 4. júlí.

Í dag luku aðstandendur hátíðarinnar við að tilkynna hvaða  hljómsveitir það verða sem spila á hátíðinni. Alls 88 nöfnum var bætt við listann og voru íslensku hljómsveitirnar á meðal þeirra. Í fyrra var Samaris eina íslenska sveitin sem lék á hátíðinni og árið þar áður var engin sveit frá Íslandi.