Guðjón Valur með ellefu mörk og hundrað prósent nýtingu

Íslenski landsliðsfyrirliðinn Guðjón Valur Sigurðsson átti stórleik með Barcelona í kvöld þegar liðið vann fimmtán marka sigur á Guadalajara, 45-30, í spænsku úrvalsdeildinni í handbolta.

Guðjón Valur skoraði 11 mörk úr 11 skotum í leiknum og var langmarkahæsti leikmaður Börsunga í Palau Blaugrana í kvöld.

Næstir Guðjóni Val komu þeir Wael Jallouz og Cedric Sorhaindo sem voru báðir með fimm mörk í þessum leik.

Guðjón Valur skorað 4 mörk úr hraðaupphlaupum, 3 mörk úr vítum, 2 mörk með langskotum og 2 mörk af sex metrunum.

Barcelona hefur unnið alla 28 leiki síns í spænsku úrvalsdeildinni í handbolta á þessu tímabili en Guadalajara-liðið er í 12. sæti.