Secret Solstice sögð verða mest spennandi hátíð sumarsins

Erlendir miðlar sýna tónlistarhátíðinni Secret Solstice töluverðan mikinn áhuga en í gær birtist grein á vefnum Pulse Radio en þar er talað um að hátíðin sé sú mest heillandi til að heimsækja í sumar.

Rúmlega tvö þúsund útlendingar hafa nú boðað komu sína til landsins helgina 19 - 21 júní og virðist vera mikil spenna í loftinu fyrir hátíðina í ár.

Þetta er ekki í fyrsta skiptið sem fjallað er um hátíðina á erlendum miðlum en Time, The Guardian og BBC hafa allir nefnt hátíðina sem einn af mest spennandi áfangastöðum fyrir tónlistarelskendur.

Meðal þeirra sem koma fram á Secret Solstice í sumar eru Moodymann, Erol Alkan, Flight Facilities, GusGus, KiNK, Route 94, Daniel Avery, FM Belfast og DJ sett með heimsfrægu sveitinni Zero 7 frá Frakklandi.