„Mikill sigur fyrir mig“

Sýslumaðurinn á höfuðborgarsvæðinu hefur veitt skemmtistaðnum Austur skriflega viðvörun vegna leyfislausrar starfsemi. „Þetta er mikill sigur fyrir mig,“ segir KamranKeivalou, einn eigenda skemmtistaðarins Austur sem hefur staðið í deilum við Ásgeir Kolbeinsson, meðeiganda staðarins, um reksturinn um nokkurt skeið.

Sjá einnig: Austur til rannsóknar hjá lögreglu og sýslumanni



„Ásgeir hefur því verið með ólöglegan rekstur á Austur og það er það sem ég hef verið að segja allan þennan tíma,“ segir Kamran. Hann segir að áfengi hafi verið selt ólöglega inni á staðnum. „Þetta hef ég fengið staðfest, hann er ekki með tilskilin leyfi.“



Félag Kamran, AlfacomGeneralTrading, gerði tilboð í 101 Austurstræti, félagið sem sér um rekstur staðarins, haustið 2013. Þá lét hann loka posum félagsins vegna deilna um samþykki fyrir greiðslum félagsins. Í kjölfarið stofnaði Ásgeir annað félag, Austurstræti 5, sem tekur við greiðslum og starfrækir posa Austurs.

Sjá einnig: Ásgeir Kolbeinsson kærir einn eigenda Austurs fyrir alvarlegar hótanir



Vínveitingaleyfið er hins vegar skráð á 101 Austurstræti og það hafa forsvarsmenn Alfacom ekki viljað sætta sig við. Fóru þeir því þess á leit við lögreglu og sýslumann að rekstrinum yrði lokað þar sem félagið hafði hvorki leyfi til reksturs skemmtistaðarins né gildan leigusamning.



Í bréfi Sýslumannsins segir orðrétt: „Sýslumaðurinn á höfuðborgarsvæðinu sem leyfisveitandi á grundvelli 3. mgr. 7. gr. laga nr. 85/2007 um veitingastaði, gististaði og skemmtanahald veiti yður skriflega aðvörun vegna leyfislausra starfsemi.“ 

Sjá einnig: Neitar því að hafa hótað Ásgeiri Kolbeins: „Þetta er leiksýning hjá honum“

Sýslumaðurinn hefur því staðfest það að enginn annar en 101 Austurstræti, getur starfað áfram í húsnæði Austurs á grundvelli áfengisleyfisins.

Í bréfi sýslumanns segir einnig: „Vakin er athygli á að samkvæmt 23. gr. laga nr. 85/2007 skal lögreglustjóri án fyrirvara eða aðvörunar stöðva leyfisskylda starfsemi sem fer fram án tilskilins leyfi.“

Kamran segist vilja stöðva reksturinn. „Ég vil því að Austri verði lokað og að lögreglan fari á staðinn til að stöðva allan rekstur,“ segir hann.