Saga Garðars kemur inn í Mið-Ísland

Saga Garðarsdóttir mun fylla það skarð sem Anna Svava Knútsdóttir skilur eftir sig hjá Mið-Íslandi. Anna Svava tók þátt í sinni síðustu sýningu, í bili, fyrir þremur dögum, en hún er kasólétt og komin að því að eignast barnið.

Anna Svava sem er hársbreidd frá því að eignast barn hefur nú farið í pásu og Saga Garðars er farin að skemmta með okkur. Lengi Lifi.

— Halldór Halldórsson (@DNADORI) February 10, 2015

„Jú, það er rétt. Ég er að fylla í feit óléttufótspor Önnu Svövu“ segir Saga. Fyrsta sýning hennar var um helgina og hún verður hluti af sýningunni út febrúar. Hún hefur áður tekið þátt með hópnum stöku sinnum.

Einnig er áætlað að Bergur Ebbi Benediktsson taki eina sýningu með Mið-Íslandi þegar hann kemur hingað í frí og Þorsteinn Guðmundsson mun að lokum leysa Sögu af hólmi.

 

Síðasta sýning Önnu Svövu með okkur í bili, enda korter í fæðingu. Mikið munum við sakna hennar. #miðísland

A photo posted by Björn Bragi (@bjornbragi) on Feb 7, 2015 at 2:30pm PST