Verslunarmiðstöðvarnar Kringlan og Smáralind verða opnar eins og vanalega en það er undir rekstraraðilum sjálfum hvort verslunum verður lokað fyrr vegna óveðursins sem spáð er.
Fulltrúar skrifstofu Kringlunnar og Smáralindar segja í samtali við Vísi að bréf hafi verið sent á rekstaraðila þar sem þetta kemur fram.
Í tilkynningu frá skrifstofu Smáralindar segir að Smáralind hafi ákveðið, í ljósi viðvarana Veðurstofu og Almannavarna, að veita rekstraraðilum heimild til að bregða frá almennum afgreiðslutíma. Sé það gert með öryggi viðskiptavina og starfmanna í Smáralind að leiðarljósi.
„Nú þegar er ljóst að einhverjir rekstraraðilar hafa ákveðið að loka fyrr í dag. Áfram verður þó þjónustu- og öryggisvakt í húsinu og Smáralind verður opin á morgun, þriðjudag, eins og vanalega,“ segir í tilkynningunni.
Rekstraraðilum í Kringlunnni og Smáralind heimilað að loka fyrr
Tengdar fréttir
Lokanir vegna veðurs
Spá ofsaveðri og fárviðri í dag og í kvöld.
Það sem þú þarft að vita um veðrið
Stefnir í ofsaveður eða fárviðri á landinu öllu í kvöld.
Von á ofsaveðri sem kemur á áratuga fresti
Veðurstofa Íslands spáir ofsaveðri í dag. Á morgun er búist við góðu vetrarveðri. Slysavarnafélagið Landsbjörg biður fólk að vara erlenda ferðamenn við veðrinu.
Lokanir Vegagerðarinnar
Gæti breyst vegna aðstæðna og veðurs.
Ríkislögreglustjóri lýsir yfir óvissustigi á landinu vegna veðurs
Óvissustig einkennist af atburðarás sem er hafin og ætla má að geti leitt til þess að öryggi fólks og/eða byggðar sé stefnt í hættu.
