Desemberspá Siggu Kling – Meyja: Kærleikurinn mun sveima allt um kring

Elsku meyjan mín. Þú ert svo hugrökk og það gerist ekki neitt nema maður þorir að gera og vera!

Þú veist að þú þarft að afkasta miklu á næstunni og þú ert að búa þig undir að fara að gera og græja sem er svolítið týpískt fyrir þig.

Þú ert að fara að koma þér í að henda gömlu tilfinningagjaldþroti út á hafsjó og þú þarft bara að henda því burt. Því þá er það farið og ekki orð um það meir!

Þú getur ekki bjargað öllum, elskan mín, einbeittu þér bara að því að elska það góða í fólkinu þínu. Það er margt sem mun breytast og sérstaklega þegar breytingarnar eru á þeirra ábyrgð. Mundu það. Þú fyllist stolti yfir því sem þú munt framkvæma og ef þú gætir þá myndir þú veita þér Óskarsverlaun. Kærleikurinn mun sveima yfir þér og þú munt finna hversu miklu máli þú skiptir, hjartagull.

Farðu varlega í kringum alla vímugjafa í þessum kærleiksmánuði, því þú verður fúl út í þig þegar þú sérð að það er eitthvað að hindra þig. Vertu alveg róleg því ég er ekki að segja að þetta sé vandamál hjá þér, það gæti verið hjá fjölskyldumeðlim eða vin. Það er bara þannig að þessi síðasti mánuður ársins verður þér svo sérstakur og þú þarft að sjá hann í réttu ljósi og með hjartanu.

Allir í kringum þig munu finna þessa tæru kærleiksorku sem lýsir af þér og ef þú ert eitthvað að skoða ástina þá munt þú sjá hana með öðruvísi hugarfari og finna hjá þér meiri þolinmæði en þú hefur fundið í langan langan tíma.

Þú sérð þegar þú sest niður við matarborðið á sjálft aðfangadagskvöld hvað lífið þitt er yndislegt.

Mottó verða aldrei gömul, hér vel ég tvö sterk sem þú hefur fengið áður og þau eru að sjálfsögðu enn í gildi í desember þannig að þú skalt hafa þau hugföst í mánuðinum:

Frelsið er súrefni sálar minnar.

Nú er magnað upphaf og ég tek skrefið.

Knús og koss, Sigga Kling

Frægar meyjur: Ragna Lóa Stefánsdóttir íþróttakona, Manuela Ósk fyrirsæta, Björk Eiðsdóttir ritstýra, Andrea fatalistamaður, Claudia Schiffer fyrirsæta, Edda Björgvinsdóttir leikkona, Eva Dögg Sigurgeirsdóttir, ritstjóri og tískugúrú, Herdís Jóhannesdóttir athafnakona, Beyoncé Knowles söngkona, Gylfi Þór Sigurðsson, Eiður Smári Guðjohnsen, Sigrún Ósk Kristjánsdóttir sjónvarpskona, Annie Mist crossfittari, Logi Pedro Stefánsson tónlistarmaður.