Framsýn: Kjararáð ákvarði laun aldraðra, öryrkja og atvinnuleitenda

Stéttarfélagið Framsýn leggur til að kjararáð verði falið að meta launahækkanir til  aldraðra, öryrkja og atvinnuleitenda með sambærilegum hætti og því er ætlað varðandi helstu embættismenn þjóðarinnar.

Í ályktun frá stjórn og trúnaðarmannaráði félagsins er skorað á Alþingi að „falla frá löngu úreltu kerfi sem byggir á því að þingið skammti minnihlutahópum í þjóðfélaginu launahækkanir sem eru langt frá því að vera í takt við almennar launahækkanir á íslenskum vinnumarkaði.“

Kjararáð ákveð nýlega að hækka laun þeirra emb­ætt­is­manna rík­is­ins sem heyra und­ir ráðið um 9,3 prósent.

„Þessar ríflegu launahækkanir eru langt umfram hækkanir á almenna vinnumarkaðinum og hjá opinberum starfsmönnum  innan Alþýðusambands Íslands sem hækka um 25.000 krónur á mánuði.“