PSG tapaði toppslagnum í Frakklandi

PSG tapaði í kvöld fyrir Montpellier í toppslag frönsku úrvalsdeildarinnar, 32-31. Sigurmarkið skoraði Borut Mackovsek úr vítakasti á lokamínútu leiksins.

Montpellier, sem var á heimavelli, var skrefi á undan lengst af í leiknum en PSG náði að jafna metin þegar rúm mínúta var eftir af leiknum.

Róbert Gunnarsson skoraði ekki að þessu sinni fyrir PSG en markahæstur í liðinu var danska skyttan Mikkel Hansen með sex mörk. Baptiste Bonnefond skoraði sjö mörk fyrir Montpellier.

PSG er þó enn á toppi deildairnnar með fjórtán stig en þetta var fyrsti tapleikur liðsins á tímabilinu. Montpellier og St. Raphael, lið Arnórs Atlasonar, koma næst með tólf stig hvort eftir átta umferðir.