Fíkniefni á hundruð milljóna Kristjana Björg Guðbrandsdóttir skrifar 10. september 2015 07:00 Mynd þessi er tekin á þriðjudagsmorgni þegar tollgæsla stöðvaði par í húsbíl og fann við leit í bílnum hátt í níutíu kíló af fíkniefnum. mynd/stöð2 Hollenskt par er í haldi lögreglu eftir að hátt í 90 kíló af fíkniefnum fundust í húsbíl sem þau tóku á leigu og fluttu til landsins með Norrænu. Ferjan kom frá Danmörku með viðkomu í Færeyjum og þaðan til Íslands á þriðjudagsmorgun. Fíkniefnin voru í mörgum litlum pokum í húsbílnum. Tæknideild lögreglunnar vinnur enn að greiningu efnanna. Því er ekki enn vitað hvaða fíkniefni er um að ræða en komið hefur fram að um hvít, hörð efni sé að ræða. Götuverð á amfetamíni samkvæmt heimildarmanni Fréttablaðsins innan lögreglunnar er um 3.500 krónur grammið. Götuverð á kókaíni er samkvæmt sömu heimildum 18.000 krónur grammið. Eftir að aðgerðum tollvarða og lögreglu lauk við höfnina var parið sem er á fertugsaldri flutt með flugi frá Egilsstöðum til Reykjavíkur, þar er það í haldi lögreglu og hefur verið úrskurðað í tveggja vikna gæsluvarðhald. Fíkniefnafundurinn er afrakstur samstarfs lögreglustjórans á Austurlandi, embættis tollstjóra, lögreglunnar á höfuðborgarsvæðinu og færeyskra tollayfirvalda. Lögreglurannsókn er í höndum lögreglunnar á Austurlandi.Vill fleiri tollverði Árangurinn telst lofsverður í ljósi þess að aðeins fjórir tollverðir starfa á Austurlandi við tollgæslu. Heimildarmenn Fréttablaðsins í lögreglunni segja að á meðan svo er, séu smyglleiðir inn og út úr landinu opnar. Engin leið sé að anna eftirliti með svo fámennri tollgæslu. Umdæmið spannar allar hafnir frá Vopnafirði og suður í Höfn í Hornafirði. Stefán Bjargmundsson aðstoðaryfirtollvörður segist myndu vilja hafa fleiri tollverði við eftirlit. Sér í lagi í ljósi aukins ferðamannafjölda. Í sumar voru fleiri tollverðir að störfum fyrir austan. „Lögregla og tollgæsla glíma við fjölgun ferðamanna um allt land, við reynum sem við best getum að nýta þann mannafla og tækjakost sem við höfum.“ Hann segir aldrei hægt að koma í veg fyrir allan fíkniefnainnflutning. Haldlagt magn sé afar misjafnt á milli ára. Spurður hvort talið sé að fíkniefnasmyglarar nýti sér veikar varnir á Austurlandi segir hann það ekki vitað. „Við vitum það hreinlega ekki, en þetta kemur í bylgjum. Stundum er lagt hald á meira, stundum minna.“Stór mál fyrir austan Málið telst eitt stærsta fíkniefnamál Íslands. Síðustu stóru fíkniefnamál sem komu upp fyrir austan áttu það sammerkt að smyglarar reyndu að koma fíkniefnum inn í landið um hafnir fyrir austan. Tvær þýskar konur á fimmtugsaldri voru handteknar við komuna til landsins með Norrænu 17. júní 2010 og fundust í bifreið þeirra um 20 lítrar af amfetamínbasa. Samkvæmt útreikningum lyfja- og eiturefnafræðinga í því máli var fundið út að framleiða mætti 264 kíló af amfetamíni. Í apríl árið 2009 smygluðu Rúnar Þór Róbertsson, Árni Hrafn Ásbjörnsson og Peter Rabe 109 kílóum af fíkniefnum með skútunni Sirtaki sem kom að landi á Djúpavogi. Árið 2008 fundust 190 kíló af hassi falin í húsbíl í Norrænu. Í september 2007 smygluðu þeir Einar Jökull Einarsson, Alvar Óskarsson, Guðbjarni Traustason og Bjarni Hrafnkelsson 23,5 kílóum af amfetamíni, 14 kílóum af ecstasy-dufti og 1.746 e-töflum á skútu frá Danmörku til Fáskrúðsfjarðar.Í upptökum fyrir Stöð 2 Tilviljun réð því að á sama tíma og parið var tekið með fíkniefni í húsbíl sínum fóru fram tökur á þætti í nýrri þáttaröð Stöðvar 2, um störf lögreglunnar og íslensk sakamál. Elvar Snær Kristjánsson íbúi á Seyðisfirði, féllst á að leika tollvörð í þáttunum. Hann var því á vettvangi þegar aðgerðir við höfnina hófust. „Ég var staddur á svæðinu, við vorum að taka upp efni í þáttinn sem fjallar um fíkniefnamál frá árinu 2008, þar sem reyndar var líka gerð tilraun til þess að flytja inn efni í húsbíl. Ég sá strax að þarna var umfangsmikið mál á ferðinni, væntanlega efni í annan þátt.“ Mest lesið Segja slúbberta hjá hinu opinbera kosta ríkið 30 til 50 milljarða árlega Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Ráðist með hníf að ungmenni í Hafnarfirði Innlent Skutu mann í röngu húsi en brutu ekki af sér Erlent Grunaður árásarmaður í Úlfarsárdal handtekinn Innlent Tveir ísraelskir sendiráðsstarfmenn skotnir til bana í Washington Erlent Íbúar Austur-Grænlands mótmæltu einangrun og pólitísku afskiptaleysi Erlent Nota lygapróf til að leita lekamanna og refsa þeim Erlent Leigubílstjóri fór í svaðilför á Teslunni upp í Þórsmörk og sneri heill heim Innlent Sat fyrir forseta Suður-Afríku með ásökunum um þjóðarmorð á hvítum Erlent Fleiri fréttir Ráðist með hníf að ungmenni í Hafnarfirði Segja slúbberta hjá hinu opinbera kosta ríkið 30 til 50 milljarða árlega Skilti Vegagerðarinnar morandi í villum: „Er ekkert gæðaeftirlit hjá ykkur?“ EES-ríkin þrjú efla samstarf við ESB á sviði öryggismála Öskrandi og ber að ofan við grunnskóla Opni Ísraelar ekki fyrir mannúðaraðstoð „þá verða að vera þvinganir“ Neyðaraðstoð í gíslingu, óvænt ákvörðun og ærandi spenna Leigubílstjóri fór í svaðilför á Teslunni upp í Þórsmörk og sneri heill heim Grunaður árásarmaður í Úlfarsárdal handtekinn Slæmur frágangur akkerisins olli slysinu Níðingarnir treysta á skömmina í kynlífskúgunarmálum Ber fyrir sig minnisleysi á verknaðarstundu Gæsluvarðhaldsfangar dúsa í einangrun vegna plássleysis Þau sóttu um þrjú embætti skólameistara á Norðurlandi Haraldur Jóhannsson er látinn Ráðin í starf verkefnastjóra í atvinnuvegaráðuneytinu Fyrsta mastrið í Suðurnesjalínu 2 risið Hæstiréttur gefur grænt ljós á búvörulögin Dvöl á Hrauninu fram undan eftir kókaínsmygl Hefja átak í HPV-bólusetningu í vetur Seðlabankinn heldur áfram að lækka vexti og mótmæli við utanríkisráðuneytið Hjalti Snær sá sem fannst látinn Samhjálp í kapphlaupi við tímann Gefa sér þrjá mánuði til að leggja drög að Coda-stöð á Bakka Þrettán skemmtiferðaskip og Ísland uppselt Mótmæla við utanríkisráðuneytið Strandveiðibátur strandaði á hólma á Reykjanesi SÍS tekur undir kröfu Borgarbyggðar um kostnað vegna flóttamanna Bað lögreglustjóra að „veita framvegis réttar upplýsingar“ Langjökull eigi ekki ýkja mörg ár eftir Sjá meira
Hollenskt par er í haldi lögreglu eftir að hátt í 90 kíló af fíkniefnum fundust í húsbíl sem þau tóku á leigu og fluttu til landsins með Norrænu. Ferjan kom frá Danmörku með viðkomu í Færeyjum og þaðan til Íslands á þriðjudagsmorgun. Fíkniefnin voru í mörgum litlum pokum í húsbílnum. Tæknideild lögreglunnar vinnur enn að greiningu efnanna. Því er ekki enn vitað hvaða fíkniefni er um að ræða en komið hefur fram að um hvít, hörð efni sé að ræða. Götuverð á amfetamíni samkvæmt heimildarmanni Fréttablaðsins innan lögreglunnar er um 3.500 krónur grammið. Götuverð á kókaíni er samkvæmt sömu heimildum 18.000 krónur grammið. Eftir að aðgerðum tollvarða og lögreglu lauk við höfnina var parið sem er á fertugsaldri flutt með flugi frá Egilsstöðum til Reykjavíkur, þar er það í haldi lögreglu og hefur verið úrskurðað í tveggja vikna gæsluvarðhald. Fíkniefnafundurinn er afrakstur samstarfs lögreglustjórans á Austurlandi, embættis tollstjóra, lögreglunnar á höfuðborgarsvæðinu og færeyskra tollayfirvalda. Lögreglurannsókn er í höndum lögreglunnar á Austurlandi.Vill fleiri tollverði Árangurinn telst lofsverður í ljósi þess að aðeins fjórir tollverðir starfa á Austurlandi við tollgæslu. Heimildarmenn Fréttablaðsins í lögreglunni segja að á meðan svo er, séu smyglleiðir inn og út úr landinu opnar. Engin leið sé að anna eftirliti með svo fámennri tollgæslu. Umdæmið spannar allar hafnir frá Vopnafirði og suður í Höfn í Hornafirði. Stefán Bjargmundsson aðstoðaryfirtollvörður segist myndu vilja hafa fleiri tollverði við eftirlit. Sér í lagi í ljósi aukins ferðamannafjölda. Í sumar voru fleiri tollverðir að störfum fyrir austan. „Lögregla og tollgæsla glíma við fjölgun ferðamanna um allt land, við reynum sem við best getum að nýta þann mannafla og tækjakost sem við höfum.“ Hann segir aldrei hægt að koma í veg fyrir allan fíkniefnainnflutning. Haldlagt magn sé afar misjafnt á milli ára. Spurður hvort talið sé að fíkniefnasmyglarar nýti sér veikar varnir á Austurlandi segir hann það ekki vitað. „Við vitum það hreinlega ekki, en þetta kemur í bylgjum. Stundum er lagt hald á meira, stundum minna.“Stór mál fyrir austan Málið telst eitt stærsta fíkniefnamál Íslands. Síðustu stóru fíkniefnamál sem komu upp fyrir austan áttu það sammerkt að smyglarar reyndu að koma fíkniefnum inn í landið um hafnir fyrir austan. Tvær þýskar konur á fimmtugsaldri voru handteknar við komuna til landsins með Norrænu 17. júní 2010 og fundust í bifreið þeirra um 20 lítrar af amfetamínbasa. Samkvæmt útreikningum lyfja- og eiturefnafræðinga í því máli var fundið út að framleiða mætti 264 kíló af amfetamíni. Í apríl árið 2009 smygluðu Rúnar Þór Róbertsson, Árni Hrafn Ásbjörnsson og Peter Rabe 109 kílóum af fíkniefnum með skútunni Sirtaki sem kom að landi á Djúpavogi. Árið 2008 fundust 190 kíló af hassi falin í húsbíl í Norrænu. Í september 2007 smygluðu þeir Einar Jökull Einarsson, Alvar Óskarsson, Guðbjarni Traustason og Bjarni Hrafnkelsson 23,5 kílóum af amfetamíni, 14 kílóum af ecstasy-dufti og 1.746 e-töflum á skútu frá Danmörku til Fáskrúðsfjarðar.Í upptökum fyrir Stöð 2 Tilviljun réð því að á sama tíma og parið var tekið með fíkniefni í húsbíl sínum fóru fram tökur á þætti í nýrri þáttaröð Stöðvar 2, um störf lögreglunnar og íslensk sakamál. Elvar Snær Kristjánsson íbúi á Seyðisfirði, féllst á að leika tollvörð í þáttunum. Hann var því á vettvangi þegar aðgerðir við höfnina hófust. „Ég var staddur á svæðinu, við vorum að taka upp efni í þáttinn sem fjallar um fíkniefnamál frá árinu 2008, þar sem reyndar var líka gerð tilraun til þess að flytja inn efni í húsbíl. Ég sá strax að þarna var umfangsmikið mál á ferðinni, væntanlega efni í annan þátt.“
Mest lesið Segja slúbberta hjá hinu opinbera kosta ríkið 30 til 50 milljarða árlega Innlent Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Ráðist með hníf að ungmenni í Hafnarfirði Innlent Skutu mann í röngu húsi en brutu ekki af sér Erlent Grunaður árásarmaður í Úlfarsárdal handtekinn Innlent Tveir ísraelskir sendiráðsstarfmenn skotnir til bana í Washington Erlent Íbúar Austur-Grænlands mótmæltu einangrun og pólitísku afskiptaleysi Erlent Nota lygapróf til að leita lekamanna og refsa þeim Erlent Leigubílstjóri fór í svaðilför á Teslunni upp í Þórsmörk og sneri heill heim Innlent Sat fyrir forseta Suður-Afríku með ásökunum um þjóðarmorð á hvítum Erlent Fleiri fréttir Ráðist með hníf að ungmenni í Hafnarfirði Segja slúbberta hjá hinu opinbera kosta ríkið 30 til 50 milljarða árlega Skilti Vegagerðarinnar morandi í villum: „Er ekkert gæðaeftirlit hjá ykkur?“ EES-ríkin þrjú efla samstarf við ESB á sviði öryggismála Öskrandi og ber að ofan við grunnskóla Opni Ísraelar ekki fyrir mannúðaraðstoð „þá verða að vera þvinganir“ Neyðaraðstoð í gíslingu, óvænt ákvörðun og ærandi spenna Leigubílstjóri fór í svaðilför á Teslunni upp í Þórsmörk og sneri heill heim Grunaður árásarmaður í Úlfarsárdal handtekinn Slæmur frágangur akkerisins olli slysinu Níðingarnir treysta á skömmina í kynlífskúgunarmálum Ber fyrir sig minnisleysi á verknaðarstundu Gæsluvarðhaldsfangar dúsa í einangrun vegna plássleysis Þau sóttu um þrjú embætti skólameistara á Norðurlandi Haraldur Jóhannsson er látinn Ráðin í starf verkefnastjóra í atvinnuvegaráðuneytinu Fyrsta mastrið í Suðurnesjalínu 2 risið Hæstiréttur gefur grænt ljós á búvörulögin Dvöl á Hrauninu fram undan eftir kókaínsmygl Hefja átak í HPV-bólusetningu í vetur Seðlabankinn heldur áfram að lækka vexti og mótmæli við utanríkisráðuneytið Hjalti Snær sá sem fannst látinn Samhjálp í kapphlaupi við tímann Gefa sér þrjá mánuði til að leggja drög að Coda-stöð á Bakka Þrettán skemmtiferðaskip og Ísland uppselt Mótmæla við utanríkisráðuneytið Strandveiðibátur strandaði á hólma á Reykjanesi SÍS tekur undir kröfu Borgarbyggðar um kostnað vegna flóttamanna Bað lögreglustjóra að „veita framvegis réttar upplýsingar“ Langjökull eigi ekki ýkja mörg ár eftir Sjá meira