Ætla að ganga til Austurríkis

Minnst 200 flóttamenn fara nú gangandi eftir lestarteinum í Ungverjalandi og ætla sér að ganga alla leið til Austurríkis. Fólkinu hafði verið haldið um borð í lest í Bicske nærri Búdapest. Þar eru starfræktar flóttamannabúðir. Yfirvöld Ungverjalands vildu flytja fólkið þangað, en þangað vildi fólkið ekki fara.

Samkvæmt AP fréttastofunni náðu lögreglumenn ekki að bregðast við þegar rúmlega 500 manns ruddust út úr lestinni. Óeirðaklæddum lögregluþjónum tókst einungis að stöðva smáan hóp þeirra.

Fjöldi manns hefur nú lagt af stað frá Bicske til Austurríkis, sem er í um 135 kílómetra fjarlægð.

Auk þeirra hafa hundruð manns lagt af stað frá Búdapest, sem er um 30 kílómetra austur af Bicske, og ætla þau sér einnig að ganga til Austurríkis.

The scene in outer Budapest now, as thousands of refugees march to Austria (pic @nabihbulos @nytimes) #migrantmarch pic.twitter.com/37gCeRIBqD

— tom (@tomwoodau) September 4, 2015

Refugees are now heading out of Budapest city pic.twitter.com/Do0i4mG9ed

— Hussein Kesvani (@HKesvani) September 4, 2015