Nautið: Segðu já við hinu óvænta

Elsku hjartans Nautið mitt. Ekki deyja áður en þú lifir. Þetta ættu að vera einkunnarorðin þín því þú gætir allt eins farið hálfdautt í gegnum lífið ef þú sprengir ekki þægindarammann utan af þér.

Það er ágætt að hugsa sem svo að þú sért í þinni eigin jarðarför. Hefðir þú elskað manneskjuna í kistunni? Var hún skemmtileg? Myndir þú vilja hanga með henni? Ef svarið er já þá er allt á réttri leið því þú skapar þinn karakter sjálft svo hafðu hann skemmtilegan og svolítið góðan.

Nú er tími til að endurskoða árið eða það sem eftir er af því, koma sér upp úr vananum og segja já við hinu óvænta. Það mun leiða þig í rétta átt. Þú hefur hæfileika til að standast svo mikla erfiðleika og þú nærð árangri í öllu því sem þú tekur þér fyrir hendur. En finnst þér gaman í vinnunni eða skólanum? Er þetta það sem þú vilt?

Núna eru að ganga í garð mánuðirnir þar sem þú finnur betur út hvað þú vilt og hvar þú vilt vera.

Haustið gefur þér svo mikinn kraft og þá finnur þú þær leiðir sem gefa þér líkamlegan kraft og andlega ánægju. Þú landar góðum samningum og er það ekki fullkomið, elsku Nautið mitt?

Þú verður eitthvað svo mikið fallegri á næstunni þó þú megir varla við því, og ferð með niðurskurðarhnífinn á það vesen og vandamál sem hafa verið að hindra þig.

Þið Naut sem eruð á lausu, hafið ekki áhyggjur því plánetan ykkar Venus veit hvað er rétt og það er ekki endilega það sem þú heldur.

Mottó: Ég er tilbúið í skemmtilegt líf.



Frægir í Nautinu: Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfitmeistari, Nanna Bryndís Hilmarsdóttir söngkona.