Nafnið á barninu ákveðið

Þið sem veðjuðuð á að sonur hjónanna Kim Kardashian og Kanye West myndi fá nafnið South hafið tapað peningunum ykkar. Hjónin hafa nefnilega ákveðið að fara í aðra átt.

„Þetta er strákur sem mun fá nafnið Easton,“ segir vinur fjölskyldunnar í samtali við Daily Mail. Easton litli er væntanlegur í heiminn í desember en fyrir eiga hjónin dótturina North sem fæddist 15. júní 2013.

Kim hafði áður gefið út að hún væri ekki mikill aðdáandi nafnsins South. „Af hverju að bæta við annarri höfuðátt? Norður er besta áttin og ég vil ekki vera að fara í aðra átt,“ sagði hún í hlaðvarpi Shaquille O‘Neal. Engu að síður er ekki svo langsótt að segja að Easton sé nánast átt.