Mun ekki yfirgefa Simpsons

Harry Shearer hefur samið við framleiðendur Simpsons þáttanna um að starfa í tvö ár við talsetningu í þáttunum. Hann talar fyrir fjölmarga karaktera sem eru þáttunum mikilvægir, en fyrr á árinu var talið að hann myndi hætta eftir ósætti við James L. Brooks, framleiðanda Simpsons.

Meðal þeirra góðkunnugu karaktera sem Harry Shearer talar fyrir eru Ned Flanders, Mr. Burns og Skinner skólastjóri.

Allir leikararnir sem koma að talsetningu þáttanna hafa skrifað undir tveggja ára samning. 27. þáttaröð Simpsons hefst í haust.