Aukinn flugvélafloti Flugfélags Íslands

Flugfélag Íslands hefur gengið frá kaupum á þremur Bombardier Q400 flugvélum. Heildarfjárfestingin mun hækka heildareignir Icelandair Group samstæðunnar um 25 milljónir dollara, að teknu tilliti til söluverðs allra fimm Fokker 50 flugvéla Flugfélags Íslands.

Í tilkynningu frá félaginu segir að vélarnar séu 2000 og 2001 árgerð. Þær verða afhentar í júlí og ágúst á þessu ári og fara þá í innleiðingarferli fyrir leiðarkerfi Flugfélags Íslands. Gert er ráð fyrir að fyrsta vélin byrji að fljúga í leiðarkerfinu í desember 2015.

Fjárfestingin verður fjármögnuð með lausafé Icelandair Group.