Tónlistarveisla í tilefni afmælis Kópavogsbæjar

Kópavogsbær hélt í dag áfram hátíðarhöldum vegna sextíu ára afmælis bæjarins. Bæjarbúum og gestum þeirra var boðið í Kórinn þar sem fjölbreytt dagskrá fór fram. Vilhelm Gunnarsson, ljósmyndari Vísis, mætti í Kórinn og smellti af meðfylgjandi myndum.

Margir þekktir Kópavogsbúar stigu á stokk og sungu lög eftir tónskáld bæjarins eins og Sigfús Halldórsson. Guðrún Gunnarsdóttir og Stefán Hilmarsson sungu ljúfa tóna úr smiðju skáldsins.

Sigtryggur Baldursson og Salka Sól Eyfeld, bæði uppalin í Kópavogsbæ, tóku líka létt lag.

Og hátíðargestir voru ánægðir með veisluna.

Tríómenn ásamt Snorra Helgasyni, Birni Thoroddsen og Gunnari Þórðar heiðruðu gesti svo með nærveru sinni.