Íslandsvinurinn Justin Timberlake óþekkjanlegur í auglýsingu fyrir tekíla

Það er löngu vitað að Íslandsvinurinn Justin Timberlake er algert kamelljón. Áður var hann í strákabandi en hóf síðar sólóferil. Þaðan lá leiðin í grínmyndir áður en hann reyndi fyrir sér í hádramatískum myndum með ágætis árangri. Það sem færri vita er að Timberlake hefur haslað sér völl í áfengisbransanum.

Árið 2009 hóf hann að selja tekíla sem þá kallaðist 901. Nafnið er vísun í uppruna Timberlake en 901 er svæðisnúmer Memphis. Á síðasta ári urðu Sauza og 901 að einu og í kjölfarið var ákveðið að gera metnaðarfulla auglýsingu þar sem Timberlake leikur aðalhlutverkið.

Þúsundþjalasmiðurinn geðþekki er óþekkjanlegur í myndbandinu en þar leikur hann lime mann sem er ekki lengur stjarna eftir að Sauza 901 varð til. Með því vilja menn benda á að lime sé í raun óþarft þar sem Sauza 901 sé svo stórkostlegt tekíla.

Leiksigurinn má sjá hér að neðan.