Birta sýnishorn úr nýjustu þáttaröð True Detective

Bandaríska sjónvarpsstöðin HBO hefur birt sýnishorn úr nýjustu seríu þáttanna vinsælu True Detective.

Önnur sería þáttanna verður frumsýnd í júní næstkomandi en með aðalhlutverkin fara þau Colin Farrell, Vince Vaughn, Rachel McAdams og Taylor Kitsch.

Sýningar á þáttunum hefjast 21. júní á HBO og verða þeir frumsýndir á Stöð 2 beint í kjölfarið.

Fyrsta serían hlaut einróma lof gagnrýnenda en í henni voru aðalhlutverkin í höndum Matthew McConaughey og Woody Harrelson. Þá fór íslenski leikarinn Ólafur Darri Ólafsson einnig með hlutverk í þáttunum.

Sjá má sýnishornið að neðan.