Bogfimi eins og þú hefur aldrei séð hana áður

Lars Andersen er Dani sem eflaust ekki of margir kannast við. Og þó. Fyrir rúmum mánuði síðan setti hann myndband inn á Youtube þar sem hann sýnir hvernig bogamenn fyrri alda skutu af boga og það er töluvert frábrugðið því sem við höfum séð í kvikmyndum og þáttum nútímans. Yfir 28 milljón manns hafa horft á myndbandið.

Í stað þess að geyma örvarnar í örvamæli hefur Lars þær í hendinni sem hann dregur með og í stað þess að setja örvarnar vinstra megin við bogann er hann skýtur hefur hann þær hægra megin. Á þann veg nær hann að skjóta ótrúlega hratt og nákvæmt.

Í myndbandinu sést til að mynda þegar hann skýtur þremur örvum á aðeins 0.6 sekúndum og þegar hann grípur ör sem skotið er að honum. Einnig nær hann að kljúfa ör sem skotið er í átt til hans með ör sem hann skýtur á móti. Þetta ótrúlega myndband má sjá hér að neðan.